Archives ou correspondance inédite de la maison d'Orange-Nassau (première série). Tome IV 1572-1574

Lettre CDXLVIII.
Winandt van Breyll aux Comtes Jean et Louis de Nassau. Nouvelles diverses.

*_** W. van Breyll fut employé par le Prince et ses frères dans beaucoup d'affaires qui exigeoient de la prudence, du courage, et de la fidélité.

Mes Seigneurs, à mon dernier retour j'ay mené Monsieur Piere Dathene chez le docteur Souderman, auquel avons parlé ensemble, lequel nous donnoit si bonne addresse touchant quelques affaires, que Petrus Dathenus en disoit que ce dont luy en parloit estoit à son Excell. de valeur de quelque milliers de dalres; en oultre ay-je faict aussi le devoir aux aultres affaires, mais jay¹ n'ay bien peu encor exécuté, à cause de mon mal de fiebvre laquelle m'a tenu desjà ung bon temps.

Le bauwmeister est entièrement vostre et prest à vous faire service. Les rystres de l'Evesque⁽¹⁾ ont leur congé et s'en sont sans faulte partys. J'attans avec grand désir

1 je.

(1) l'Evesque. Apparemment l'Archevêque de Cologne.

[p. 235]

⁺d'entendre ce que V. S^s auroient exécuté à l'endroit des affaires que scavez. Le Duc d'Alve s'en vient en Anvers. L'on parle de la venue de l'autre Gouverneur⁽¹⁾ à Brusselles. Il faict de rechief ung grand appareil des batteaux en Anvers, pour secourir ceulx de ville de Middelbourg. Je ne doubte pas que V. S^s ne soyent advertis de la défaicte de noz ennemys. J'espère que ce mesme Seigneur Dieu des batailles nous en donnera encores Sa grâce. L'on parle aussi icy de 21 à 24 enseignes des Albanistes, qui auroient prins la Haye en Hollande. Aussi, mes Seigneurs, j'ay escript à mon parent, lequel autrefois estoit avec moy à Siegen, duquel jay¹ n'ay que bonnes nouvelles, ainsy qu'entendrez. J'ay, selon vostre commandement (encores que l'argent est bien mal à recouvrir), fait tenir à Monsieur de Lumbres⁽²⁾ la somme de cent ryckstalers. Monsieur de Rhumen m'a respondu qu'i ne vouldroit refuser chose quelconque à V.S.; je ne doute que ne vous ayt escryt. C'est l'endroit où me recommanderay très humblement à la bonne grâce de V. S^s, priant nostre Sauveur vous donner, mes Seign^rs, en santé, très heureuse et longue vie. En haste de Vischenich, ce 12 de novembre l'an 1573.

Vostre très obéissant à vous faire service,

Winandt van Breyll.

A mes Seig^rs, mes Seign^rs Jehan et Louys, Contes de Nassaw, Catzenelbogen, Dietz etc.

+ 1573. Novembre.

(1) l'autre Gouverneur. Requesens.

1 je.

(2) de Lumbres. Voyez p. 205.