Archives ou correspondance inédite de la maison d'Orange-Nassau (première série). Tome III 1567-1572

[p. 224]

* Lettre CCCVIII.
Le Comte de Nuenar au Prince d'Orange. Relative à l'envoi de troupes par le Duc d'Albe sur les terres du Comte de Hornes.

⁺Monseigneur. J'ay receu à ceste heure les nouvelles cy jointes par ce messagier exprès, lequel avoys envoié vers Nuenhuis. Et, Nostre S^r en soit loué, j'envoye astheur ung aultre vers là pour vous advertir du tout, espérant à ce grand Dieu, dateur de tous biens et duquel vient toute victoire, qu'il donnera encor ultérieur succès à Mons^r nostre frère. Le Duc d'Alve a deux fois escript à ceulx de Werd de faire entrer 3 enseignes d'Espagnolz, et comme ma Cousine de Horn a envoyé vers Mons^r de Clèves, comme Kraissfürst, il a dit n'est¹ pas chief du Cercle et ne luy a pas voulu donner ung seul mot de lettre au Duc d'Alve, ne disant aultre mot que mal et patience. A moy ilz ont refusé de prester ung 7 ou 8 jours ung canonnier et une sauvegarde. Velà comme sommes bien fondez en ce quartier super avenam. Quia vana salus hominis. Et ideo nolite confidere in⁽¹⁾ etc. Ce qui ce faict à Essen vous l'entendrez bien plustost par Mons^r nostre frère, combien que pense que ce ne sera grand chose d'aucune valeur, et au plus pourra engendrer ung Kreistag, auquel je trouveroye fort bon et expédient que il vous pleust envoyer quelqu'ung personage illustre pour faire les plainctes et m'y

+ 1568. Mai.

1 ètre.

(1) nol. conf. in. Voyez Pseaume 146, v. 3.

[p. 225]

⁺trouverois en personne. Et sur ce, Monsieur, attendant vostre responce, me recommande humblement à vostre bonne grâce, priant nostre S^r vous augmenter la sienne.

De Halkräd¹, le 29 de may 1568.

Vostre humble frère et serviteur,

H.G.z. Nuenar.

A Mons^r le Prince d'Oranges. En son absence à Monsr. mon frère et compère.

+ 1568 Mai

1 Hulckradt, près de Nuys.