Archives ou correspondance inédite de la maison d'Orange-Nassau (première série). Tome III 1567-1572

* Lettre CCLXXXII.
Le Comte de Nuenar au Prince d'Orange. Il lui-mande le décès de son épouse, la Comtesse Madelaine de Nassau.

Monseig^r. Estant en très grande tristesse et perplexité, n'ay sceu laisser de vous advertir comme il a pleu au Créateur de rappeller de ce monde ma bone et très chiere⁽¹⁾ compaigne, vostre seur, hier entre une et deux après midy. Dieu veulle avoir son âme. Et entre mes douleurs il a une chose qui principalement me conforte, la belle fin

(1) chiere. Voyez cependant Tom. I. p. 115.

[p. 119]

qu'elle a eu; mais avecq ce qu'elle est morte en bonne 1567. Août. chrestiene, la singulière mémoire avecq la parolle qu'elle a retenue, jusques au article de sa mort. Vous me pardoneres, Monsr., sy ceste cy est sy briefve et mal couchée et l'imputer au regret et fâcheries. Toutefois il se faut conformer tousjours à la voulunté de Dieu. A tant, Monseigneur, me recommende bien humblement à vostre bonne grâce, vous suppliant me tenir tousjours pour vostre très affectioné serviteur et léal amy, jusques au bout de ma vie, puisque le tiltre de frère n'y a plus de lieu ..... De Vriemersheym, ce 19 d'aoust.

Vostre humble serviteur et léal amy à jamais,

H.G.z. Nuenar.

A Monseig^r, Mons. le Prince d'Orange.

Monseigneur, je supplie estre très humblement recommendé à Madame vostre compaigne.