Archives ou correspondance inédite de la maison d'Orange-Nassau (première série). Tome II 1566

Lettre CXCVIII.
Le Comte Louis de Nassau au Prince d'Orange. Sur les préparatifs de résistance à des mesures violentes du Roi.

Monsr. Ce matin est retourné vostre escoutte d'Etten du Coronel Georg van Holle, lequel m'ast rendu conte de sa commission en [brien], par où treuve les affaires de ce quartier là en asses bon estat et à nostre advantage, comme entenderes du dit escoutette. Il me semble qu'il serast bien nécessaire que vous eussies incontinent escript au duc Henri⁽¹⁾, luy advertissent l'estat de ce Pais-Bas, tant pour prévenir aulx faulx bruicts qui peulvent courrir de nous touts, que pour entretenir la correspondence et bone affection qu'il vous porte. Quant à l'enterveue du couronel et de moy, la treuve bien fort nécessaire, mais je craings que le temps à présent ne le permettera

(1) Henri. Le Duc Henri de Brunswick, auquel le Prince avoit dejà écrit; voyez la lettre 195.

[p. 272]

⁺point; toutesfois me rapporte à ce que me vouldres commander. Touchant du mis en avant du dit Georg van Holle pour l'asseurance des trois mille chevaulx et certain nombre des piétons, le treuve fort raisonable et bien nécessaire, oires que ce ne fust sinon pour gaingner leur obligation d'amitié, pourtant me poures man der vostre bon plaisir. Et tout cecy ferast mestre au Roy ung peu d'eau en son vin. Je vouldrois que je puisse estre une peux des heures auprès de vous, pour prendre résolution sur tous les points les plus nécessaires. J'espère que les affaires d'icy parmetteront que je pourres faire pour demain au soir ou après demain devant disner ung tour vers vous, et de là pourrois revenir icy pour achever le tout. Toutesfois j'atendrai vostre responce. Je ne fais aulcune doubte que vous bourgois obéiront à ce que les vouldres commander. Ainsi aiant receu vostre résolution ne fauldrai de la faire exécuter.

Je vous ay envoié un boucq lequel trouvois hier au bois de cerf (où je vis beaucoup des bestes, tant cerfs que aultres) si bien à propos, que ne luy povois refuser ung coup de harquebouze et de bien venir ay adressé à ung qui est en si bone venèson, come n'ay guerres veu. Je vous asseure que vous bois sont bien repeuplés, car vous aures l'année qui vient plus de vint cerffs chassables, sans les fens de l'autre année et ceste présente ..... De Breda ce 2 de septembre Anno 1566.

Vostre très obéissant frère à vous faire bien humble service,

Louis de Nassau.

A Monsieur le Prince d'Oranges.

+ 1566. Septembre.