Archives ou correspondance inédite de la maison d'Orange-Nassau (première série). Tome II 1566

[p. 128]

Lettre CLI.
George de Montigny, Seigneur de Noyelles, au Comte Louis de Nassau. Sur les prêches publics.

⁺*_** Le Seigneur de Noyelles étoit un des principaux signataires du Compromis.
La liberté des prêches étoit contraire aux engagemens pris envers la Gouvernante, et devoit beaucoup aigrir le Roi: elle devoit également déplaire aux Seigneurs et même à une grande partie des Confédérés. Mais, comme toujours en pareil cas, il y avoit une grande diversité de vues, et sans doute plusieurs n'étoient pas contraires aux moyens violens.

Monseigneur. Ayant entendu depuis huyst à dix jours enchà, que plusieures asamblées et presches se font en ses quartiers (avecq grand scandale), ay trouvé pour mon office et debvoyr que ne seroy mal d'en advertir vostre S^rie, à raison que crain fort que les dictes asamblées ne se font tant pour l'amour et grand zèle qu'yl ont à la parolle de Dieu, que pour aultres effect, tendant à quelque sédition ou révolte. Ce qu'yl ne fault permettre aulcunement, d'aultant que vostre S^rie peuit cognoistre que par la requeste présentée à Son Alteze, protestons n'endurer aulcuns scandales, tendant à perturber le repos e tranquillité de la Républicque, ains l'empêcher par tous moyens convenables. Par tant je supplie qu'il plaise à vostre S^rie me mander comme en ce cas auray à me régler et conduire advant que plus grand désordre en advienne. A cause que j'oy de jour à aultre qu'yl se voldriont por-

+ 1566. Juin.

[p. 129]

⁺ter de vos aultres mes seignieurs et de I'asamblée des gentilshosmes faicte à Bruxelles, comme fauteurs et suppoz de leur presches, ce quyl contrevient directement à nostre juste entreprinse et à la promesse que fismes à vos S^ries. Doncqs je supplie de rechief m'escrire vostre intention, aux fins qu'ensuyvant icelle m'emploie à ce qu'yl plaira ordonner sur ceste affaire, et ne manqueray d'effectuer vostre comandement come cestuy quyl ne désyre q'à faire tous bons offices de humble vasal à sa Mat^é et serviteur envers vostre S^rie. Ce cognoict l'Omnipotent, auquel je prie vous donner, Monseigneur, bonne et longue vye, me recommandant très humblement à vostre bonne grâce. De Primecqs ce 7^e juin 1566.

De vostre S^rie

très humble et très obéissant serviteur pour jamays,

George de Montegny.

Monseigneur Monsieur le Comte de Nassau.

+ 1566. Juin.