Archives ou correspondance inédite de la maison d'Orange-Nassau (première série). Tome II 1566

[p. 106]

⁺Lettre CXLIII.
Le Comte H. de Bréderode au Comte Louis de Nassau. Sur une poursuite dirigée contre quelques Gentilshommes de la Gueldre: éloge du Marquis de Bergen.

Mons^r mon frère, j'ey repceu vostre lestre datée du synquyesmejour de mey, et touchant de ses jantylsommes du pays de Gueldre qui devyont comparoyr¹ an justyce, après l'avoir fayct remontrer deumant à l'officyer et ce quy luy an pouroyt avenyr par tyerce meyn, j'entanps que il les ast lessé et quisté; si aultrement, j'an userey cellon² vostre avys, car cest icy à deus lieus de moy et j'espèr que il n'an serast de besoyn d'avoyr usé actes scandalleuse ou innormes³ [nulles,] synon que l'offycyer c'est antremys par soubsson pour non poynt les voyre aus églises fayre les cérémonyes comme aultres⁽¹⁾, quy est la totalle ocasyon. Touchant aus Compromys, j'ey tousjour esté de ceste avys que l'on le peult librement donner à Madame et mesmes l'ey communiqué aus deputées icy à l'antour de nous, lesquels le trouvent pareyllement bon, desorte que en poures user lybrement comme vous l'entanderes; mes, soubs corectyon, je ne leur vauldroye⁴

+ 1566. Mai.

1 comparoître.

2 selon.

3 énormes.

(1) Aultres. On étoit accoutumé à une inspection assez sévère quant à l'observance exacte des cérémonies religieuses. Ce fut même en Espagne un grief contre le projet de modération, que par là ‘il ne se meet aulcun chastoy contre ceulx là qui peschent par obmission, et n'allant à l'Eglise, ne jeusnant, ne communiant, ne suyvant les mandemens de la saincte Eglise, ny aussy contre ceulx qui ne font ce qu'ilz doibvent faire en leurs maisons particulières.’ Hopper, Mémor. 86.

4 voudrois.

[p. 107]

⁺montrer le vostre quy est tant soubsigné, car je pansseroye que il le feryont tout pour avoyr la copye d'yceuls comme le pryncipall, toute foys que je vous veus bien asseurer que le myen n'an ast tantost moyns et espère le ramplyr devant huyt jours. Je suys mary de la blessure de mons^r le marquys de Berge⁽¹⁾ horyblement à l'ocasyon que il est plus que souffyssant pour cest effect et n'an congnoys aultre, de mons^r d'Egmont il est bon syngneur, mes cestuy dict marquys est aultre homme pour anffoncer jusques aus abymes les affayres; puysque il ast antrepryns, j'espèr an Dieu que la bonne dellybération, anssamble la bonne affection que il a de remédier à ce faict tant juste, luy donnerast bryeffve querison, avecque ce que il nous oblygerast tous antyèrement luy demeurer esclave à james, anssamble toute la patrye. Je voldray que il ouysse aulcune foys ce que j'oye journellement du commun peuple de la louange qu'y luy donnent d'avoyr antreprys ung sy louable faict et magnanymme, ancor que aultrement an avyns¹ que byen. Je vous prye, sy le voyés, luy fayre mes très humbles recommendations à sa bonne grâce et que luy demeure esclave à james, et que ne luy ay promys chose avant mon partement de Bruccelles que je ne ratyffyerey² avecque la dernyère gouste de mon sang. Touchant du jour que vouldres que vous vaye trouver, mandes moy le lyeu et le jour, je ne faul drey à m'y trouver anssamble quelques députés d'ycy, an cas que le trouvyes bon, et voldreye que ce fust byen tost,

+ 1566. Mai.

(1) Berge. ‘Il survint au Marquis une fortune de blessure en la jambe qui le détint quelques jours.’ Hopper, Mém. p. 78. Bor, I. 62.^a

1 advint.

2 ratifierai.

[p. 108]

⁺car je vous ey à communyquer choses quy ne se permestent aynssy escrypre: le lyeu quy vous serast le mieus commode me le serast à moy, car il ne duyt nullement que vous vous esloignés. Je suys fort ayse que aves réduyct mons^r de Warllusell an bon chemyn⁽¹⁾ cellon que j'ay veu par ses lettres: certes il est ung gentylhomme [complyde¹] et perffeyct, et né doubty onques quant il oreyct antandu le comble de nostre fayct, qu'y ne fysse du mesme, que il démonstre par effect, et voldroye avoyr quelque moyen luy fayre servyce, je ne fauldreye à m'y amployer à mon pouvoyr. Au reste, mons.^r mon frère, vous saves que ne suys icy et n'aspyre après aultre chose synon scavoyr ce que il vous plerast me commander: spandant je fey tousjour ce quy est à mon pouvoyr et ne doubtes² que je dorme. J'esper an bryeff vous an randre du tout compte. Me recommandant byen affectueusement à vostre bonne grâce, prye le Créateur vous donner, mons^r mon frère, an santé bonne vye et longue. De Vyanne, ce huyctyesme jour de mey 1566.

Vostre obéyssant frère à vous fayre servyce à james, fyn³ à la messe!

H. de Brederode.

Mes très humbles recommandations à la bonne grâce de mon syngneur et mestre⁴ mons.^r le Prynce et que luy demeure esclave à james.

A Monsieur Monsieur le Conte Lodvyck de Nassau, mon bon frère.

+ 1566. Mai.

(1) Chemin. Voyez p. 100.

1 accompli.

2 craignez (redoutez.)

3 lin.

4 maître.