Archives ou correspondance inédite de la maison d'Orange-Nassau (première série). Tome I 1552-1565

[p. 442]

Lettre CXXII^a.
⁺Viglius au Cardinal de Granvelle. Le Roi ne veut aucune modération des Placards (MS. B. GR. XXI. p. 154).

...La Duchesse receut la résolution du Roy sur le faict de la Religion et changement de gouvernement le 5 de ce mois, mais ne fist semblant jusque à huict jours après, du moins au Conseil, combien que les bailles fussent incontinent plaines. Dieu sçait qué visaiges ilz ont monstrez et qué mescontentement ilz ont, voyans l'absolute volunté du Roy à l'endroict l'observance des placarts sur le faict de la Religion et l'inquisition accoustumée, que sa M. veult qu'on continue et qu'elle soit favorisée. Mais elle n'a rien déclairé au Conseil touchant le gouvernement, sinon que sa M. a choysi pour président du Conseil d'Estat Tisenach⁽¹⁾ et Hoppérus en son lieu, que ne leur plaist guères, de tant qu'ilz eussent bien voulsu retenir le dit Hoppérus, qui se sçavoit assés accommoder avec eulx, et l'appelans l'autre Cardinaliste: aussi que sa M. avoit ordonné que le Duc d'Arschot fut appellé au Conseil d'Estat, ce que les Seigneurs ne sçaivent dont il soit procédé, ayans iceulx désiré que le Marquis de Berges, le Sieur de Montigny, et Noircarmes y fussent mis. L'Ambassadeur d'Angleterre a mis paine de les rappaiser, ne sçay avec quel effect; bien parlent-ilz de laisser et abandonner le tout, du moins de ne se trouver si souvent et se tenir pour deschargez, si les choses vont aultrement que bien, et samble Madame estre de cecy assez perplexe, et non sans raison, ayant aliéné de soy ceulx qui du com-

+ 1565. Novembre.

(1) Tisenach: p. 320.

[p. 443]

⁺mencement faisoient leur mieulx de l'assister et les desauctorisé le plus qu'elle a pen. - Pour le présent l'on est délibérant sur l'exécution de ce que sa M. a mandé au faict de la Religion. Les Seigneurs disent à tous propos qu'ilz n'y sçavent adviser, mais puisque le Roy le commande si expressément, qu'ilz n'y veullent contredire⁽¹⁾, mais que la chose ne passera sans hazard et inconvénient, et que sa M. regarde de le remédier. Je vous escripray cy-après plus de particularités, voyant le progrès de ces affaires. Ilz imputent une partie de ceste si absolute response au frère Lorenzo⁽²⁾, Espaignol, prédicateur à Bruges, que a esté vers le Roy en Espaigne et l'informe de tout, et imputent à luy la mort naguerres advenue de M. Corneille Baesdorp, pour le regret qu'il avoie prins d'estre déféré vers sa M. comme fauteur des héréticques, mais je ne le sçaurois croire.... Bruxelles, 30 nov.

+ 1565. Novembre.

(1) contredire. Voyez p. 448.

(2) Lorenzo. Le 4 janv 1566 le Père Lorenzo de Villavicencio écrit au Cardinal, lui recommandant: que s'il est placé sur le tròne Pontifical, il se sonvienne des maux de l'Eglise des Pays-Bas. (MS. B. Gr. xxii. p 5).