Archives ou correspondance inédite de la maison d'Orange-Nassau (première série). Tome I 1552-1565

Lettre CXXII.
Le Comte Guillaume de Berghes au Prince d'Orange. Affaires particulières.

Monsr. Il ne m'a été possible sçavoir advertir plustost vostre Seigneurie touchant du gentilhomme quy devoit livrer les deniers, pour l'occasion de la journée que j'ai tenue avec monsr. le Duc de Clèves, laquelle a esté de longue durée; attendu que je pensoie moy mesme en personne vous en venir raporter la responce, au moyen que j'avoye fait compte de me venir trouver aux nopces de la princesse de Pourtugal pour satisffaire à ma promesse: parquoy suplie vostre S^rie ne le vouloir prendre de mauvaise part, ayant certes esté bien mary d'avoir esté aussy surprins: car monsr. de Nuenar de mesmes et moy n'en avons rien sceu, sçavoir jusques à tant que tout a esté passé: prie pourtant vostre S^rie me tenir pour excusé: au surplus ay fait mon myeulx pour mettre l'intention de vostre S^rie en et¹ au regard du dit gentilhomme duquel n'ay rien sceu obtenir, comme vostre S^rie pourra veoir par la responce d'icelluy cy jointe... Escripte de Bergue, 24 de novembre 1565.

L'entièrement serviteur de Vostre S^rie,

Guillaume de Berghe.

A Monsieur Monsieur le Prince d'Orange.

1 Il y a une déchirure.