Archives ou correspondance inédite de la maison d'Orange-Nassau (première série). Tome I 1552-1565

Lettre CXVII^c.
Le Cardinal de Granvelle à Viglius. Il se félicite d'avoir quitté les Pays-Bas (MS. B. GR. XX. p. 234).

..... Je ne veulx plus contendre² avec vous sur ce que l'on ha d'obligation au publicque, ny pour vous persuader de tenir bon, puisque vous m'escripvez que, plus avant allez vous, plus vous croist le désir de vous en démesler, et, si ceste résolution est si absolute, certes je vous souhaite icy selon vostre désir, et pour avoir ce bien

2 disputer.

[p. 428]

⁺de vous y veoir, et pour vous y faire bonne chière⁽¹⁾ à mon pouvoir; quant à moy, si j'estoye là, je n'en sortiroye et procureroye de faire mon debvoir, ores qu'il me deust couster la vie; mais, puisque Dieu m'a faict la grâce de, avec si bonne occasion, en sortir, et que, oultre mon Archevesché, je n'y avoye d'aultre charge que de Conseiller d'Estat, comme les aultres, comme je l'ay souvent et vous présent au Conseil professé, ores que aulcuns ne le vouloient admettre, quy toutesfois l'auront peu cognoistre depuis, cognoissant par ses lettres que Armenteros ne désiroit mon retour, et que Dieu m'a faict la grâce aussi d'entendre à quoy cela alloit, je me tiens heureux d'en estre dehors et apperçoye bien la folye que j'auroye faict d'y demeurer, et je confesse que je ne sçauroys assez rendre grâce à Dieu de ce que j'appercoys que par ceste absence je n'ay rien perdu, ny vers mon maistre, ny en l'opinion des gens de bien, et suis encoires en opinion d'attendre la venue du maistre, ou l'aller trouver et de faire tout ce qu'il vouldra, horsmys d'aller par delà sans sa présence, pendant que tout y sera comme il va, et ce pendant je fayz icy bonne et joyeuse chière, et s'esbéhissent ceulx qui vouldroient que je remuasse le mesnage pour leur donner matière, que je ne me mesle de rien, non plus que sy j'estoye ung estranger passant; entendant seullement à mes affaires, ne bougeant de ma chambre, sinon pour promener, à faire exercice à l'Eglise et vers ma dame, et faisant mes despesche où je doibz correspondre, sans bruyt..... Besançon, 31 oct.

+ 1565. Octobre.

(1) bonne chière. En 1565 M. de Chantonnay reproche an Cardinal la somptuosité et le désordre de sa maison (MS. B. Gr. xx).