Lettre CXI.
+Le Prince d'Orange au Comte Louis de Nassau. Nouvelles de Malte; affaires d'Orange.

*_** Le siège de Malte fut entrepris vers la fin du règne de Soliman II, dit le Magnifique, le même qui gagna la bataille de Mohacz en 1526 et donna vingt assauts à Vienne. Mustapha Bassa fit sa descente dans l'isle le 17 mai. Ce ne fut qu'en septembre qu'on secourut les Chevaliers, après une défense admirable, qui fit perdre aux ennemis 15000 soldats et 8000 matelots. Mezeray, V. 78.

Mon frère. Je nay vous ay rien mandé de nouveau depuis vostre partement, à cause que mon sécretaire Espaignol vous at mandé les nouvelles que j'ey receu de Stopio et, oires qu'i sont fort bonnes, néamoings pour plusieurs respects ne me samblent estre fort autentiques; de tant plus, qu'il n'y at despuis venu nulles aultres novelles qui confirment les premiers, car ne peus penser que si bonne novelles porriont tant tarder de estre par tout le monde sceu: enfin, si Dieu nous lésse la vie de deux jours, sçaurons le tout, dont ne vauderay vous le mander incontinent. Je prie à Dieu qu'i puissent estre si bonnes, comme la Crestienté en at de besoigne.... Mons^r le Marquis de Berghes m'at dict s'en voloir aller à Spa et qu'il serat bien aise de vous y trouver; vous luy porrés um peu tenir propos des affaires dont nous parlimes à vostre partement. Je désirerois bien sçavoir comme vous vous trouvés de la fontaine; vous prie pour tant m'en vouloir advertir. L'on m'at dict passé deux ou trois jours qu'il y sont arrivé fors Zwedoit1 en Anvers et que le

+mariage passe avant avecque la Princesse de Loraine, et quant et quant la guerre(1). Je amvoie quelque ung pour en sçavoir la vérité.... De Brusselles, ce xxx juillet a. 1565.

Vostre bien bon frère à vous obéir,

Guillaume de Nassau.

Despuis ceste escrite me sont venu les novelles de Malta, dont vous anvoie copie, par où verrés comme suis esté bon prophett, oires que aimerois mieulx qu'il fusse aultrement: l'ambassadeur de France at esté devers moy, me disant comme le Roy son maistre se ébaïssoit fort que j'ay amvoié souldas Allemans en Orange(2), de tant plus qu'il estoit informé, qu'il y [souvoir] ancores quatre ou cinq compaignies, mais après que luy avois dict ma raison et le peu de gens qu'il y avoit amvoie et que en avois adverti au gouverneur de Lion, il en receupt contentement, me promestant en advertir du tout au Roy son maistre, espérant quand il aura entendu, il en recepvra contentement: je vauldrois, pour si ou pour non, que eussions faict le1 .....

A Mons^r le Conte Louys de Nassau, mon bon frère.