Archives ou correspondance inédite de la maison d'Orange-Nassau (première série). Tome I 1552-1565

Lettre XCVI^c.
Viglius au Cardinal de Granvelle. Concile de Trente, Inquisition (MS. B. GR. XIV. p. 325).

....Quant aux difficultez concernans l'acceptation des décretz du Concile, je tiens que v.i.S. aura bien à plain entendu, par les lettres du conseillier Hoppérus, ce que icy a esté résolu par son Alt., et puisque la détermination d'icelle tomboit à cela, l'on l'a arraisonné¹ le mieulx qu'on a sceu, et a l'on encoires eu de paine assés d'amener la chose à cela; le conseillier Tisenach⁽¹⁾ m'escript que sa M. n'aura point le plus grand contentement; mais si fault-il que sa M. y tiegne pour excusez ceulx qui verroient voluntiers les choses aller aultrement et ne sont creuz, et

1 motivé.

(1) Tisenach. ‘Carolus Tisnacus, homo Belga, regiusque rerum Belgicarum in Hispaniâ procurator:’ Strada, I. p. 151.

[p. 321]

⁺mect l'on bien encoires en doubte si, avec les restrictions avisées, l'on donnera contentement au peuple, que ne se debvoit mesler de ceste théologie; et certes, quant à la religion, les affaires vont tousjours de pis en pis, et nouvellement, après ceulx de Bruges qui s'estoient plainctz de l'inquisiteur Titelmannus, les députez des quatre membres de Flandres, à leur instigation, selon qu'il semble, sont venuz se douloir aussi, et ont donné oultre une requeste fort générale, pour quasi de tout anéantir l'inquisition et jurisdiction ecclésiastique, laquelle ceulx du Privé-Conseil ont trouvé de fort mauvais goust et ont este d'advis de faire sur icelle communiquer avec eulx et entendre de plus près leur intention; cependant Titelmanus est icy pour respondre à ce qu'ilz vouldront mettre et dire à sa charge, et se trouve son Alt. bien empeschée, comme nous luy réprésentons l'intention de sa M., et que d'aultre costel l'on luy mect en avant les inconvéniens et dangiers ésquielz l'on viendra tomber par l'inquisition et rigueur, jusques icy usé contre ceulx qui ne prétendent, comme ilz disent, que pouvoir demourer en la liberté de leurz consciences.... Bruxelles, 18 oct.

+ 1564. Octobre.