Archives ou correspondance inédite de la maison d'Orange-Nassau (première série). Tome I 1552-1565

Lettre LXVI.
Le Prince d'Orange au Comte Jean de Nassau. Nouvelles diverses.

Mon frère..... Je me esbaihis de la longeur dont Mons^r de Treuves use à faire une fin du différent que avons avecque luy touchant la Conté de Dietz, puis qu'il y at déjà si long temps que le chapittre se doibt assambler, selon ce que Riffenberghe vous disoit issi et vous at mandé despuis. Le plus que porrés soliciter pour en avoir une fin serat le melieur, et serois d'avis que mon frère s'en allis¹ devers luy pour sçavoir son intention, ou pour le moins fissiés escrire à l'Electeur ou à Riffenberghe pour an sçavoir une résolution. Quant à ce que m'escrivés qu'il samble à mon frère et à vous que, puisque M. de Colloigne le désire avoir en son service et M. le Duc de Clèves aussi, qu'i porroit bien servir à tous deux, sans que M. le Duc de Clèves en porroit ester mari; je serois bien du mesme advis, mais je crains, pour les propos que M. le Duc at tenu à Wilpurg, que le moien serat um peu difficil à trouver pour le contenter; car cognoissés l'umeur de ce bon Prince, et plus-

1 On a enlevè la signature.

[p. 187]

⁺tost de l'offencer en quelque chose, vauldroit mieulx de temporiser um peu avecque Mons^r de Colloigne. Néamoings, quant vous retournerés issi et que mon frère et vous le trouvés bon, serois d'avis que en parlissiés premièrement à Mons^r le Duc, avant rien concerter avecques Mons^r de Colloigne, et luy en parler ouvertement, et, selon qu'il vous responderat sur ce que luy allégerés¹ et proposerés, porrons, vous et moy, alors tant plus facillement mander nostre advis à mon frère; car pour moy ne sçay quellz moiens luy proposerés qu'i pourroit trouver bon, affin que mon dit frère puis librement accepter le service de cé deux Princes, sans que l'ung et l'aultre se agravi²..... Les affaires d'issi sont tousjours au mesme estat et ne nous at le Roy ancores rien respondu. Nous avons esté issi avecque les Estas, leur faisant la melieur chière qui nous at esté possible: il y a beaucoup de choses qui sont passés, trop longes a escrire et qu'i vault mieulx dire de bouche que non pas escrire, pour les raisons que sçavés; parquoy désirerois bien vostre venu pour en discourrir à nostre plaisir. - Je me suis délibéré d'amvoier le commissaire Schwartz⁽¹⁾ à la principaulté d'Orange, pour y donner l'ordre qui je désir qu'i se tien, et est content d'aller, dont certes il m'at faict plaisir. La Tour⁽²⁾ est arrivé ce soir, mais ne l'ay encores oui,

+ 1563. Décembre.

1 alléguerez.

2 plaigne, sente offensé (Esp. agraviarse).

(1) Schwartz. Employé dans beaucoup de missions délicates. II ne semble pas être parti alors. An commencement de 1564 ‘Anthoine de Wolf, gentilhomme de la Maison du Prince, arrive à Orange et exhibe son pouvoir:’ de la Pise, p. 318.

(2) La Tour. ‘Envoyé pour esteindre les troubles de la religion, y avoit mis le feu si avant que l'Etat en fut embrasé.’ De la Pise, p. 289.

[p. 188]

⁺parquoy ne vous mande riens de ces affaires. Le Roy de France est à Paris et le Conestable gouverne entièrement, si bien qu'il at faict venir à la court Mons^r l'admiral et Mons^r d'Andelot. Je ne vous feray pour ce coup plus longe lettre, car n'ay le moien pour plusieurs affaires... De Brusselles, ce 9 décembre anno 1563.

Vostre bien bon frère à vous faire service,

Guillaume de Nassau.

A Mons^r le Conte Luys¹ de Nassau, mon bon frère.

Parmi les choses ‘qu'i vault mieulx dire de bouche que non pas escrire,’ on doit probablement compter la résolution des Seigneurs de se distinguer par une livrée commune. Cette détermination, prise au commencement de décembre, dans un festin donné par Schetz (Strada, I. 158), parut avoir pour but principal d'exprimer leur haine et leur union contre Granvelle: ‘à son desdaing et vilipendence ils firent faire une divise rouge à teste de fol, laquelle par ordonnance de Madame de Parme leur fust défendue; mais eulx et plusieurs autres de leur faction et ligue, et pour tant plus mettre au jour en quelle grande hayne ils avoient le dict personnaige, firent tost après publicquement porter à la ville de Bruxelles, et en plusieurs autres lieux et provinces, une livrée de flesches:’ Procès des Comtes d'Egm, et de II., I. 107. Hopper dit que ce fut ‘le signal d'une confédération et alliance avecq serment très-estroict:’ Recueil, p. 35. Et le 20 mars 1564 Viglius écrit au Cardinal: ‘Quant à la livréje son Alt. ne leur a sceu persuader de la laisser; ainsi crains que aurons avec le temps icy la rose rouge et blanche. Tout cecy s'eust peu remédier si le maistre eust peu venir....’ (MS. B. Gr. x. p. 200).

+ 1563. Décembre.

1 Erreur du Prince: il écrivoit au Comte Jean. Voyez p. 186, l. 20 et la Lettre 63.