Archives ou correspondance inédite de la maison d'Orange-Nassau (première série). Tome I 1552-1565

Lettre LXV.
Le Prince d'Orange au Comte Louis de Nassau. Nouvelles diverses.

*_** ‘L'assemblée des Etats ayant esté indicte à Bruxelles le mois de décembre pour la contribution des deniers, le Prince et ses associés déclarent publiquement à la Gouvernante qu'ils n'y adsisteront point si le Cardinal s'y trouve, ce qui obligea le Cardinal de se retirer à Malines.’ De la Pise, p. 307. - Voyez p. 136, in f.

Mon frère. J'ai receu hier vostre lettre et entendu par icelle comme le maréchal Roltzhausen⁽¹⁾ n'est d'intention de donner son argent, si se n'est que mon frère Jéhan et vous donnés vostre obligation et sur une Seignerie, et que vostre amptmann et recepveur luy fassent serrement de luy paier annuellement la pension à Francfort: certes ce sont des obligations bien dures, et suis mari que, à

(1) Roltzhausen; Maréchal de Hesse: T. III. p. 273.

[p. 185]

⁺mon ocasion, vous vous mestés en ceste malaise et fâcherie, mais le temps est tel qu'i vault emplié¹ ses amys: d'une chose vous veulx-je bien asseurer que feray donner si bon order que ne recepverés ny domaige ny fâcheri; car ne suis d'intention de laisser courir ceste rente oultre une année, puis que les obligations sont si dures; car l'on m'ast donné espoir que je porrei recouvrir bien tost une bonne somme d'argent... Je ne vous fais issi beaucoup de remercissemens, ny à mon frère Jéhan, pour le gran plaisir et amitié que me faictes, de vous mester en ceste obligation; car entre frères ny fault user de gran compliments, mesmement puis que je suis asseuré que cognoissez la volonté que j'ay de vous faire à tous service, en tout ce que me vauldrés emploier. - Madame m'at mandé de me trouver le dernier de ce mois à Brusselles, et pens qu'el at faict le mesme à tous les Seigneurs, car les Estatsgénéraulx sont aussi mandés. Je vauldrois bien avant partir d'issi que l'argent fusse arrivé, pour commencer à mester l'ordre avant partir. Je vous souhait bien issi et vouldrois que vous affaires fuissiont bien achevées là, affin que puissiés bien tost retourner, car vous ay à dire beaucoup de choses... J'ay receu, passé deux jours, lettres d'Orange, par où l'on me adverti comme le S^r Fabricio, qui est de la part du Pape à Avingnon, at dévié² la principaulté d'Orange à le faire le pis qui peult, et eulx me mandent que se revengeront bien. Je ne sçay quel fin que cessi prenderat. Nous avons tenu la S. Martin fort joieulx, car il y avoit bonne compaigne. Mons^r de Bréderode at esté ung jour que pensois certes qu'i debvoit mourir, mais il se porte mieulx. J'attens responce de

+ 1563. Novembre.

1 employer.

2 défié (?).

[p. 186]

⁺Wilpurg et vouldrois bien qu'i négociasse quelque chose de bon... De Bréda, ce 12 de nov. an 1563.

Vostre bien bon amy et frère à vous faire service,

A Monsieur mon frère le Conte Lodowick de Nassau.

+ 1563. Novembre.