Archives ou correspondance inédite de la maison d'Orange-Nassau (première série). Tome I 1552-1565

Lettre LVII.
Le Comte Adolphe de Nassau au Comte de Schwartzbourg. bourg. Réponse.

Myn früntlichen dienst mit vermoegen alles guthem zuvorn, welgeborner, früntlicher, lieber Bruder.... So will du weyders belanget dy ercklerung meines gemüts, wessen ich zu thun hiermit vermeyndt sein, solds E.L.

[p. 162]

⁺wissen das myn gemüdt, sin, und hertz wohl zu solehs zuk stehet und itziger zeyt zu nichts auff der woldt grossen luste, gefallen, noch begerde hette als by solchen grossen hauffen und by so truilich, erlicher, gutter leuth zu seyn, wie ich mich dan zum öfftermahl gegen den Oberschten Gorgen von Holl hab lassen vernemen, das ich wohl wold das ich so gelückselich eynmahl möchte seyn und dye gelegenheyt haben auff den den oberschten zu werden, do ich auch mir mitt zilychen klepfer auff meyns kost mitreid möchte, solde es mir ein gewünschte sach syn. Ich [beschwer dy] ich ein befelch über ein fenlen Knecht solt haben, dar zu ich mich dann viehl zu gering und unverstendich achte, als derjenige der bey krigslauffs nhi mehr gewessen und solcher sachen gantz und gar unerfaren ist, und do ich mit wurde ghen, wult ich, beide E.L. und den Oberschten, zu bedencken und heimgestelt haben, ob solcher befelch ausz obgemelden ursach mir ahn zu nemen were, damit ich, als der unverfarner, nicht mehr schandt als ehr zulegen möchte. Doch was mir E.L. und der Oberschten hienn¹ zu thun befelen und raeden werden, willich mich jederzeit, so viell müchlich, gefellich und gans willich ertzighen², dan ich mir hienn noch zu zyt selbst nicht raden kan, als der solche sach gantz und gar erfaren yst; hab hy derhalben zu erklerung mynes gemütz, desz E.L. unahngezeigt nicht wollen lassen.... Kan derhalben, auff E.L. früntliche begeren, mich anders nicht erkleren, dan das ich für myn perschon gantz und gar woll zufreden were und nicht lebers auff erden en wuld begeren als by den handel zu syn; wihl³ aber solches, nach myn wenigs verstandt, durch und mitt

+ 1563. Mai.

1 hicrin.

2 erzeigen.

3 weil.

[p. 163]

⁺vorwissen kayserlicher M. geschen musz, weisz ich nicht wie der sachen zu duen ist unde bitt E L. dy wolden hiemit mir denselbigen truwen raedt mittheyllen... Geben zu Kleve, 27^en Maji A^o 63.

+ 1563. Mai.