Archives ou correspondance inédite de la maison d'Orange-Nassau (première série). Tome I 1552-1565

Lettre LI.
Le Comte Louis de Nassau au Prince d'Orange. Etat de leurs affaires en Allemagne.

Monsieur, je ne sçay come ferés¹ bien mes excuses envers vous de ce que je tarde tant de venir, car je demeure trop longuement, encores que c'est à mon grand regret; si est-ce que nostre grande nécessité le requiert, come vous ay escript par ci-devant, car plus somes nous entrés à besoigner, plus avons nous trouvé le fondement de nous² debdtes, tellement que nous trouvons monter nous debtes jusques à trois-cent-mille florins de Franckfort, lesquels nous font 14 mille florins de pension annuelle et fust esté à craindre que, si nous eussions attendu encores deux ans, que fussions entrés si avant que l'eussions resenti d'icy à cinquante ans. Aiant donques trouvés nous affaires en tel désordre et nous debtes tellement augmentées, avons résolu entre nous de point partir d'icy, que nous ne aions premièrement mis ordre en tout ce qu'il serat possible, car nous avons veu et grandement apperceu que nous gens aviont entièrement perdu courage et estions devenus si négligent, que les aucuns ne s'en souciont plus guères, les aultres des nous principaulx

1 Holl. ferai.

2 dos.

[p. 150]

⁺nous veniont demander leur congé, disant: ‘nous trouvons, Messingneurs, que vous estes venus si avant, que ne pourrés plus entretenir vostre crédit et bone renommée, que vous avés tousjours eu, et puisque ne voions pas de remède, vous supplions de nous vouloir donner nostre congé, car nous ne sçaurions voire le misère.’ Quelles parolles c'estiont pour nous, pourrés vous bien penser. Voiant donques qu'eulx, lesquels nous debviont donner le millieur conseil, commanciont à décliner, y avons mis la main nous-mesmes, et sommes venus si avant, par la gràce de Dieu, qu'espérons de vouloir diminuer nous debtes de soixante-mille florins entre ci et Pentecouste, come vous dirés plus amplement à ma venue. Es ist geringe kurtzweil vohr mich, dann wir noch allen morgen, auszgenommen die sontag, umb fünff uhren bey einander gewesen: wir sein aber noch nit gar reith¹, es fehlen unns noch ein drey wochen zeyts, so will ich dann E.G. trewlich helffen arbeiten, was in meinem geringen verstandt unndt vermügen ümmer sein mag, unndt Gott fleiszig bitten.

Come vous m'avés faict escripre par Wylpurg, ne fauldrés d'aller trouver mon frère de Newenar incontinent, pour entendre de luy le tout au long, et si je treuve que la chose est d'importance, me trouverés vers vous à Bruxelles, pour parler de cecy et tout aultre chose. Lantgrave Wylhelm m'ast escript encores ausjourdui, me priant de rechef de vouloir aller avecques luy en Schweden, selon la promesse que lui dois avoir faict à Franckfort: je luy ay rendu responce, quand il fut dernièrement ces caresmeaulx icy, avecques son beau-frère, le jeusne Conte

+ 1563. Mars.

1 Holl. reed, gereed.

[p. 151]

aant.⁺palatin⁽¹⁾, et aussi asteure¹, comment que je ne suis pas à moy, sinon entièrement à vous, pourtant croi-je, qu'il vous en escriverat; quant je viendrai, aviserons d'une responce: il m'ast aultrement envoié livrée et aultre écippage, come aux aultres Contes que vont avecques luy. - Quant à l'affaire de Königstain, attandons vostre résolution sur le dernier offre que le Conte de Stolberg a faict..... Espérant donques, Monsieur, d'estre bien tost auprès de vous à Bruxelles, ferai fin, me recommendant très-humblement à vostre bone grâce. De Dillenburg, ce 10 Martij 1563.

Entièrement vostre obéissant frère à vous faire très-humble service,

Louis de Nassau.

A Mons^r le Prince d'Oranges.

+ 1563. Mars.

(1) palatin. Louis; marié à Elizabeth de Hesse, en 1560. v. Rommel, Ph.d. Gr. I. 586. II. 651.

1 à cette heure.