Archives ou correspondance inédite de la maison d'Orange-Nassau (première série). Tome I 1552-1565
(1841)–G. Groen van Prinsterer–
Auteursrechtvrij
[pagina 21]
| |
Ga naar margenoot+lettres, que vous usiés de mes affaires, comme vous feriés des vostre, mesmement come je vous ay aussi mandé que tout ce qui est à moy est vostre, parquoi me avois remis à vous, mesmement aussi pour ce que jéGa naar voetnoot1 issi tant de rompemens de teste, que ne peus entendre bonnement à mes affaires..... Au surplus, ma femme, quant à ce que m'escripvés par vostre dernière lettre, que vous estes en paine pour ce que ne vous ay escript en si long temps, ne sçassant si setGa naar voetnoot2 par adventure que je serois coursé àGa naar voetnoot3 vous, je eus pensé que l'amitié qui est entre nous deux, eus esté si bonne, que tous ses suspicions seriont amvoié, mesmement que me eussiés tenu plus discret que de me coursé sans occassion, et ce que jé attendu si long temps, a esté pour vous pouvoir escripre absolutemen ce que le Roy voloit faire de ce camp, vous asseurant que ne souhaide aultre chose que je puis esterGa naar voetnoot4 aimé comme je vous aime; car, après Dieu, je pens que vous estes la mieulx aimé et s'i ne fust que je pens fermement que vous me aimés, je ne serois si bien à mon aise comme suis maintenant; que sçait le Créateur, auquel je prie nous donner la grâce que puissions tout nostre vie vivre en ceGa naar voetnoot5 amitié sans nulle dissimulation, me recommandant de bien bon ceur à vostre bonne grâce. Du camp près de Escherenne, ce 5 de décembre. Vostre bien bon mari, Guillaume de Nassau. A Madame la Princesse d'Oranges. |