Archives ou correspondance inédite de la maison d'Orange-Nassau (première série). Tome I 1552-1565

Lettre XVI.
Le Prince a la Princesse d'Orange. Nouvelles du camp.

Ma femme...... J'ay receu à ce soir vostre lettredu 12 du présent, et quant à ce que me mandés que ne serés à vostre aise, tant et si longement que ne aurés novelles de moy touchant l'aprochement des inemys vers nostre camp pour ravictallier Mariebourg, je ne vous serois mander aultre chose, si non qu'il ont faict courrir le bruit qu'ilz nous viendront veoir et après revictallier Marienbourg; mais il me semble qu'ilz commencent fort à refroidir, selon les novelles que je en peus entendre, mesmes que receus hier ung raport, par lequel l'on me advisoit que les inemis défaisointe¹ leur camp, mais toutefois l'on ne le sçait pour certain. Je pens que, combien qu'il auriont² gran envie de revictuallier le dit Marienbourg, que toutefois pour le mavé³ temps qu'i faict continuelement, il leur seroit quasi impossible, et quant à venir devers nous, ne prennés nulles soussies⁴, ne fâcheries pour cela, car je vous asseur qu'ilz se garderont bien et qu'ils nous lesseront en pais, en cas que nous

1 défaisoient.

2 auroient.

3 manvais.

4 soucis.

[p. 20]

⁺les lessons. Je vous lés¹ penser la bonne vie que je doibs avoir issi par ce beau temps. Je vous asseur que tout le plaisir que j'ay issi, c'est de aller par la pluie et fange, depuis le mattin jusques au soir, seur nos ouvraiges. Je vous lés penser que, s'il me seroit licite, si ferois long séjour issi. Au surplus, à ce que desirés savoir comme vous vous aurés à régler, véant que tous les principaulx dammes [viete²] en Cour pour prendre congié des Roynes⁽¹⁾, il me samble que, quant vous aurés certaine novelles que les dites Roynes se doivente partir, que allors sera bien faict que vous allés fair ung tour jusques à Brusselles pour prendre vostre congé, mais poure que estes ancores incertain du partement et ausi que avés bien petite compaignie avec vous pour aller la première fois despuis la venu du Roy à Brusselles, ce que peutest ne seroit bien pris de plusieurs, me semble que porrés ancores um peu attendre, si longement que sassés³ plus véritablement le partement des dites Roynes, et alors aller vers eulx pour faire vostre debvoir..... Du camp près d'Escherenne, ce 15 d'octobre.

Vostre bien bon mari,

Guillaume de Nassau.

A Madame la Princesse d'Oranges.

+ 1555. Octobre.

1 laisse.

2 viennent.

(1) Roynes. La Reine de Hongrie et Eléonore, veuve du Roi de France François I, soeurs de Charles-Quint, le suivoient en Espagne. Le départ n'eut lieu que dans l'été de 1556.

3 sachiez