|
| |
| |
Tiende uytkomst
Lemmen met sijn Wijf uyt.
Ick segghet u noch eens, en wat ick segh is waer.
Ick segh: de Meester is een groote Leughenaer.
Gaet, seght hem selver dat, wat blijft gij hier langh dralen.
630[regelnummer]
Ick gaen, opdat ik hem met vuysten dit betaele.
't Is eenen rechten Guyt in alle sijn bedrijf.
Ick sal hem groeten soo, kom ick hem aen het lijf
Dat hij 't ghedencken sal: Hoe, sal hij mij belieghen?
| |
| |
En segghen dat ick quam mijn Koningh te bedrieghen?
635[regelnummer]
Sal hij begaen het quaedt en gheven mij den wijt?
Die daet wil dat ick hem mijn muyl in 't backhuys smijt.
Maar of ghij braeckt sijn Neus, wie sou hem dan genesen?
Daer om en gheef ick niet. Wie mij belieght magh vreesen.
Schond' hij mijn Kindt sijn Neus, soo had' hij recht sijn loon.
640[regelnummer]
Een Wijf ghelijck als ick, sou vechten om een boon.
Komt hier, daer woont de Vent, de deur en is niet open.
Ick souse (is 't u wil) wel onder voet gaen loopen.
Neen, neen, 't is best gheklopt, en dat met groot geweldt.
Wel, Volck, hoe klopt ghij dus? Wat isser, brenght ghij gheldt?
645[regelnummer]
Neen, ick brengh geen gheldt, maar stocken op u rebben.
Wat onbescheet is dit? Wat wilt ghij van mij hebben?
Dat ghij de leughens al sult haelen door uw hals,
Die ghij sooght uyt uw'duym, jae, soo vileyn en vals
Gheseyt hebt, aldat ick heb mijnen Man bedroghen.
Ick segh, het is gheloghen,
Ghij Vuylaerd' als ghij zijt.
| |
| |
Verstaet malkaer met reên,
Opdat ick hooren kan, wie Recht heeft van u tween.
Dit is 't gheen ick versoeck, laet mij met vrede spreken.
Ick sal u noch den kop, met dees mijn handen, breken,
655[regelnummer]
Durft ghij noch spreken hier! Daer, wat ick segh is wis!
Jae, g'hebt de Neus ghemaeckt, ick segght dat soo is.
Ick kan u dadelijck noch al de stucken toonen.
Gans velten, houdt mij vast, hoe sal ick hem dat loonen!
Wacht, voghel, wat vertoeft, ick sal u hebben flus.
660[regelnummer]
Wel, gheef mij wat ghehoor, hoe redeneert ghij dus?
Ghij weet toch immers wel, hoe 't gaet met dese saecke,
Daer gij vreest dat ick u voor elck beschaemt sal maecken.
Ick sal u kloppen, Boef, mijn eer dit niet meer lijt.
Houdt daer, Bordeel-brock, loon voor 't geen ghij hebt gheseyt
665[regelnummer]
O Vrouw! wat slagh is dat, ick sal mijn haer oock weeren,
Al sout ghij mij het lijf in hondert stucken scheuren.
Hout op dat ghij mijn Vrouw niet seer doet, siet wel toe,
Of 'k salder ook op slaen, laet af, segh ick, wel hoe,
Ick val hem mé op 't lijf, al sout mijn neus bekoopen.
570[regelnummer]
Ick sal hem levende sijne taye huyt afstroopen.
Gij snooden Wijven-beul, sult ghij mij hier soo slaen?
| |
| |
Sa, Wijf verweert u kloeck, want ick u bij gaen staen.
Daer, daer, houdt dat daer voor. Soo salder ick op touwen.
En ick sal d'oogen hem uyt sijnen dick-bol krouwen.
675[regelnummer]
Sa, sa, schept moet, mijn Wijf, en valt hem braef aen boort.
Helpt vrienden, staet mij bij! ick worde hier vermoort!
Jae, jae, dats niet-met-al, ghij moet dit dierder koopen.
Daer tijt hij op de vlucht. Kom laet ons hem naeloopen.
't Saemen binnen.
|
|
Auteursrecht onbekend