Henrick de saechtmoedighe,
den xxviij. Hertoch van Brabant.
Ga naar margenoot+HEnrick de saechtmoedighe Hertoch ende Marckgraue, sone des voorseyden Henricx de Hoochmoedighe, quam naer die doodt sijns vaders totten rijcke. Hy wordt van eenighe genoemt die Saechtmoedige mits-dien hy seer seechbaer, minlijck ende soet int aenschouwen was, soo datmen nauwelijcx sijns ghelijck en vondt. Ende was van seer hoogen ende edelen gheslachte, van allen zijden, alsoo hier voren verhaelt is. Hy troude een seer edele ende deuchdelijcke bloeme, Vrouwe Aleydis, dochter des Hertochs van Bourgondien, aende welcke hy dry sonen wan, Henrick, Jan, Godeuaert, ende een dochter met name Maria, die daer-nae troude Philips die derde van dien name Coninck van Vranckrijck, S. Lodewycx sone. Desen voorseyden Henric regeerde sijn landt als een getrouw Prince, in goeden peyse, midtsgaders in eendrachticheyt, als een die tot alle gratie ende liefgetallicheyt gheboren was. Godeuaert die ionckste sone, hadde voor sijn gedeelte in Brabant, Aerschot, Bierbeke, Sichenen, ende S. Aechten Rode. Hy was een edel, eerbaer ende vroom Prince, ende troude een edel vrouwe, waer mede hy creech t'landt van Vierson, daeraen hy wan eenen schoonen sone gheheeten Jan, met oock twee dochteren.
Desen Hertoch Henrick heeft binnen allen sijnen leuen die deucht der eendrachticheydt in grooter estimen ende weerdicheydt ghehadt: maer deur haet ende nijt van sommige Heeren wert hy deerlijck ter doodt ghebracht, int iaer 1260. nae dat hy den tijdt van dertich iaren geregneert hadde. Nae wiens aflijuicheyt sijn huysvrouwe sekeren tijdt regneerde, mits dat haer kinderen tot hunnen iaeren noch niet gecomen en waren. Sy liggen Ga naar margenoot+ beyde binnen der stadt van Louen begrauen, int Clooster vanden Predicaren, d'welck die Hertoch selue ghesticht ende ghefondeert hadde, aende rechte handt vanden hoogen aultaer.
Naden tijdt vanden voorseyden Henrick, te weten, int iaer alsmen schreef 1272. oft daer-omtrent quamen Ga naar margenoot+ wt Italien sommige ketters die Gheesselaers ghenoemt werden: dese deur-liepen Duytschlant ende Vrancrijck hen-seluen geesselenden, ende dit geesselen hielden sy van meerder weerde ende verdienste dan Martelaer te steruen, ende aldus het landt deurloop ende, spreyden sy onder dat volc verscheyden valsche dwalingen ende ketterijen.
Auteursrechtvrij