|
| |
| |
| |
Description du Pays nouveau, appellé par les Hollandois Spitsberge.
LE Pays plus vers le Nort, qu'a este cognu par les Anciens, ont ils nommè Thule, lequel la plus grand part des Geographes modernes dient estre l'Island. Par les nouveaux, qui ont vescu au temps de noz Peres, especialement par Gerard Mercator, a este painct un Pays situè desoubs ou a l'entour du Pole de Nort. Mercator escrit l'avoir prins du Livre des Voyages de Iacob Croyen, lequel a eu la plus grand part du sien des comptes faict d'un Prestre au Roy de Noruegues, l'An de grace, 1364. Dequoy la decifrance par ceulx de nostre temps, a estè tenu du tout frivole. Car noz Mariniers ont pensé trouver en lieu du Pays de Mercator; une Mer large, & passante, laquelle les meneroit en Chine & aux Indes; Lequel (comme il semble) les eut succedé ne fut que la froidure & l'hyver leur fut survenu; d'autant qu'ils estoyent passé au long du Nord coste de Nova Zemla, sus la hauteur du Pole de 77. & 76. degrées, bien plus de 20. degrées en longitude vers l'Est, du destroit de Weygats, sans avoir veu vers le Nord d'eux aucunes terres, sinon beaucoup de glace, de la quelle ils estoyent al la fin environnés contre le Pays de Nova Zemla, tellement qu'ils n'ont trouvé aucune comparaison aux mappes de Mercator de sa terre soubs le Pole. Mais le Pays plus vers le Nord, que jamais a esté recognu jusques a maintenant, c'est lequel dequoy nous avons a faire icy la Description, situé entre Groenlande (lequel apertient a la Courone de Norveges) & nova Zemla: (ainsi nomme par les Russiens, qui en ont la possession) vis a vis du Cap de Nort en Finmarque ou (selon la vulgaire) Nordland en
| |
| |
Norvegue. Il s'estend (pour autant que les nostres ont controuvè jusques au iourd'huy) du 76. iusques au 80. degré de latitude, a compter de la ligne Equinoctial, que faict la longeur de 60. lieues d'Allemaigne ou 70. lieues de France.
Il est trouvé des deus navires au dict Voyage vers China & Iapon, lesquels estoyent armée & equippée par les nobles Srs. & Conseils de la Ville d'Amsterdamme, duquel estoit Admiral ordonné par son Excelce. Maurice de Nassau, &c. Iacques Henri Heemskerk, lequel depuis a acquis la tresfameuse eternelle memoire en la Baye, devant le Casteau de la Ville de Gibeltar. Son Pilote estoit Guillaume Bernard, lequel avoit fait au mesme dessain deus voyages pour Messrs. les Estats Generaulx. Et de l'autre Navire estoit Maistre & Commis, Iean Corneille du Rijp.
Cestui Iean Corneille, estoit proprement occasion que le Pays duquel nous fairons icy la description, a esté trouvé. Car euls, a sçavoir les deus Navires susdictes, estant venus a Bereneylant, a la haulteur du Pole, de 74½ degres, Guillaume Bernard vouloit aller vers l'Est, & Iean Corneille vers l'Ouest, afin qu'il ne fut environné de glace, contre le Nova Zemla; or falloit il que Guillaume Bernard suivit ledict Iean Corneille, qui estoit au vent de luy, comme il se voit par l'Histoire du Voyage. Mais pour sçavoir deuvement ce qu'ils ont trouvé en ceste descrouvrance, i'ay trouvé bon de mettre icy un petit extraict du Iournal, escrit de la main propre de Guillaume Bernard.
Le 18. de May, stile neuve, nous sommons partis de Texel, & arriverent le 22. contre Fayril & pres des Orcanesses.
Le 5. de Iuing, summons venus en la glace, laquelle a nostre advis estoit venu de Groenland, car nous faissions compte d'estre environ 25. lieues au dehors dudict Groenland, l'eau estoit verdet, brun de couleur, jetterent le sonde sans trouver fond, la glace
| |
| |
s'estendoit au long de la Mer, Sudest & Norouest, & estoit du tout en pieces, ou escosses.
Le lendemain faysoyent nostre route Nordest & Norest quard du nort 9. lieües, arriverent contre une grande glace, par laquelle ne pouvoyent passer, ne trouverent nul fond a 120. brasses, a nostre advis estoyent 55. lieues de l'Isle Luffoet vers Nordouest, & du Cap de Nord 110. ou 115. lieües.
Tournoyent alors vers l'Est & arriverent le 10. de Iuing a l'Isle des Ours, a la hauteur de 74. degrées 35 min. & faisant voile de la Norest, arriverent en la glace, auquel jecterons ancre, & fumes contraints de retourner soubs l'Isle, De l'Isle des Ours summons departis, & faisoyent Oest noroest pensant trouver vers le nord meilleur passage, car ceux de l'autre Navire, vouloyent tousiours tirer vers l'oest, & j'avoy desir d'estre plus vers l'Est, avons couru jusques au soir Oest noroest 16. lieües, la nuict jusques au matin Noroest 15. lieues.
Le 14. Avancé jusques au soir Nord quar d'oest 22. lieues. Lors le temps devient clair, & nous nous trouvions pres de la glace, & nous sembloit veoir terre vers le Nord, mais nous n'en estions pas asseuré.
Le 15. Nous tournions ven du vent, sondions sans trouver fond a 150. brasses, routoyant jusques au midy, Sudest & Sudest quart d'est 5. lieues, ayant la hauteur de 78¼ degrés.
Alors nous allions vent arriere, vers l'Est, 7. lieues.
Et apres jusques au soir Nornordest, 5. lieues.
Passions une grande Balaine morte, sur lequel y avoit plusieurs meauves.
Le 16. Il faisoit brun, le vent Oest passans jusques a midy, Nornord Est 21. lieues, arrivans en la glace, & nous nous retirans passans au loing d'icelle Nordest 5 lieues.
Et derechef hors de la glace Sudest 6. lieues.
| |
| |
Iusques a ce que nous venoins derecehef avec la route de S. S. Oest, en la glace 4. lieües, lequel estoit du matin.
Le 17. Il faisoit calme iusques au midi, alors trouvamus la hauteur de 80. degrées & 10. minutes, nous louvions, car avoyons vent au vent, pour sortir hors de la glace, estoyons passe Si, ou 6. lieues, ayans vent Oest jusques au soir, ayant le fond de 90. brasses. Passants outre encore un quartier avec vent Sudest, allions Sud Siroest 4. lieues. Alors vismes terre & allions encore Oest Siroest, la terre s'estendoit Oest quar de Noroest, & Est quart de Sudest, bien 8. ou 9. lieues, la terre estoyt haute & tout couvert de neige, & du pointe du Norouest, s'estendoit ceste terre iusques a un autre pointe.
Le 18. Siroest quart d'Oest, 6. lieues, & et la nous trouvions la hauteur de 80. degrées.
Allions contre vent au long de la terre, avec vent Oest & Noroest. Iusques au midi, le 20. Lors estoit le cap d'ouest de la terre, de nous environ Sud suroest 5. lieües. Passions outre Sud suroest & Siroest quar de su 5. lieües, & arrivames joinct a une ance large, laquelle s'estendoit en la terre vers le Sud: & encore une Baye devant laquelle y avoit un Isle, laquelle Baye s'estendoit bien avant vers le Su.
Retournasmes alors de la terre, & passions oultre jusques au soir, Norouest quart du Nort 2. lieues, & arrivames derechef en la glace, parquoy nous falloit tourner vers le Su.
Le 21. Il faisoit grand vent & naigeoit fort du Siroest, & nous courions au vent jusques au soir, mouillons l'ancre proche de la terre pres de nostre Compagnon, justement devant l'entrée du Canal, a 18. brasses, fond de sablon. Au pointe d'Est de l'embouchure y avoit une Roche, laquelle estoit fendue par desus, fort bon a connoistre. Il y avoit encore un petit Isle ou Rocher, environ le tiers d'une lieue dudit bout d'Est. Au pointe d'Ouest y avoit ausi
| |
| |
un Rocher bien proche.
Le 22. Prenions de Lest de 7. Chalupes plain de callions, d'autant que nostre Navire estoit peu lestée. Et vient un grand Ours naiger pres du Navire, lequel poursuivoins avec 3. Chalupes, & fut tué, sa peau avoit longeur de 12. pieds, nous entrames ce jour la avec la Chalupe en l'entre, pour cercher meilleur port, ce qu'estoit necessaire, & trouvames en dedans, la terre du tout separée & rompue, & aucuns Isles, ou il avoit bon ancrage en plusieurs endroits.
Le 23. Cerchames nostre vray Meridional, par le Cercle Astronomique, & trouvions avant midy, 11. & apres midy, 16. degrées declinaison, que le Compas, ou l'anguille tournoyt vers le Noroest, tellement que le Cercle n'estoit pas correct. Nous sortions hors la Baye, pour rechercher jusques ou la coste se pouvoit estendre, car il faisoit fort clair, ne pouvions apercevoir le bout de la terre, laquelle s'estendoit Sud quart de Siroest 7. lieues, Iusques a un bout haut & montueus, lequel se descouvrit, comme s'il estoit une Isle. Prenions de minuict l'hauteur du Soleil, de 13. degrées, tellement que nous estions a la hauteur du Pole de 79. degrées 34. min.
Le 24. Avant midy, faisoit il calme avions le vent Siroest, la terre (au long duquel prenions nostre route) estoit la plus part rompue, bien hault, & non autre que Monts & montaignes agues, parquoy l'appellions Spitsbergen.
Nous navigeames environ Siroest & Siroest quart de Su 7. lieues, & lors nous estions environ 10. ou 12. lieues, du lieu ou nous avions fondée la premiere fois l'ancre, plus vers l'Est.
Nous destournames du soir derechef de la terre, le bout du Noroest: estoit Nordest de nous, & partions de la terre oest, & oest, quart du noroest, 8. lieues.
Iusques a la fin du premier quartier.
| |
| |
Destournasmes vers le Est, & allions Sudest & quart du Sud 8. lieues, jusques le 25. a midy.
Apres arrivames pres de la terre, & seiglants vent arriere Nornordest, 2. lieues.
Et le mouillerons arriere un pointe a 18. brasses, fond de sablon, & nous sembloit qu'il y avoit flus, & reflus, car nous trouvions en 12. heures de temps, un courant du Siroest, & un autre du Nordest, si fort que les boyns de nos ancres, se casseans dessoubs leauë.
Ceste Baye, en laquelle nous estions, entroit bien a vent auecq une ance en dedans, au costé du Su y avoit une pointe basse, arriere laquelle on peut naviger, entrant pres le coste du Nort, & y poser arriere la pointe, ayans abry de touts vents. Nous gens y trouvoyent des dents de Morses ou vaches de Mer, parquoy la ditte Baye fut appellée Baye des dents. Nous y trouvions aussi beaucoup de fumé des Cherfs, & aucune laine comme du Brebis. Iustement au Su dela pointe y avoit une petite ance, comme un port.
Le 26. Nous vient le vent Nort, faisions voile, & navigames S: quart de Siroest 10. lieües. Au midy arrivames entre la pointe montueuse & la terre ferme, pensent que le bout montueux fust une Isle, Navigeans en dedans Su quart de Siroest & Su: & estant quelque espace au dedans du bout, trouvions profondeur de 12. & 10. brasses, bon fond de sablon, & estant entré deux lieues. Il y avoit profondeur de 50. brasses, le fond pierreux, & la terre estoit toute couverte de neige, entrions environ 5. lieues, entre le bout, & coste de la terre firme, & trouvions alors que le bout, lequel nous pensames estre un Isle, estoit attachée avec un banq de sable a la terre, car nous trouvions profondeur de 5. brasses, Il y avoit de la glace sur la bassé, de sorte qu'il nous falloit retourner en arriere.
Ce bout, lequel pensions estre une Isle, gist au 79. degré 5. min.
| |
| |
latitude, nous l'appellions la pointe des Oiseaux, pource qu'il y avoit tant d'Oiseaux dessus & a l'environ.
Le 27. Faysoit il calme, de sorte que nous demeurions flottans sans pouvoir avancer entre la pointe des Oisseaux & la terre.
Le 28. passames au tour d'icelle, Navigeants alors Su Siroest 6. Lieues, le tout au long de la terre, laquelle estoit fort montueuse & agu, avecq un beau rivage. Navigans tout Sud & S. quart de Siroest 6. lieües, & apres S: quart de Sudest 3. lieües.
Trouvions au midy la hauteur de 78½. degres: & estions alors pres de la glace. Navigeans un peu vers la Mer, pour venir hors la glace, & passames ainsi au long de la glace, & pres de la terre Sudest quart du Sud, 7. lieües.
Et nous estions alors joinct a une grande Baye, laquelle s'estendoit au dedans vers l'Est Nordest, & estoit a deux costes terre haute & montueuse.
Navigeames avecq vent prope du Nord Nordest, jusques au soir tout au long de la terre Su Sudest, & Su quart d'Est, 5. lieües.
Alors y avoit encore une grande Baye, en laquelle y avoit beaucoup de glace pres de la terre, nous prenions nostre route un peu Oest Siroest, pour estre hors de la glace, & cheminames en avant Sud quart de Sudest, 4. lieües.
Vinsmes en la glace, parquoy allames Siroest, 3. lieues.
Le 29. Poursuivismes d'un vent Nord: Le cours Sudest, quart du Sud & Su Sudest, 5. lieues.
Le tout au long de la terre jusques au midy Sud, 4. lieues.
Et trouvames au midy la hauteur de 76. degres: 50. min.
Navigeans en avant S: & S. Sud est sans trouver terre, jusques a ce que vismes l'Isle des Ours, le premier de Iuillet.
| |
| |
DAutant que Iean Corneille & Guilliaume Bernard differoyent beaucoup, en leurs iugements, de la ou ils estoyent, pensant Iean Corneille, qu'il estoit nord est du Cape de nort en Norvegue, & Guilliaume Bernard Nor oest, disant Guilliaume Bernard qu'il estoit 250. lieües, de la pointe de glace de Nova Zemla, & pensoyt Iean Corneille, qu'il n'en estoit tant seulement 60. lieües, & d'autant qu'il sembloit mieux a Guilliaume Bernard de descouvrir une terre cognue, pour trouver tant mieux le destroit d'Anian, se sont Ils separez l'un de l'autre. Estant convenus par ensemble, que Iean Corneille feroit rechers vers le Nor oest, & Guilliaume Bernard vers le Nord est. Tellement que Iean Corneille a derechef faict voile vers le Nort, & apres merveilleux rencontres, de glace & vent, il s'a trouve au lieu ou ils avoyent jecte la premiere fois l'ancre, sur les 80. degrées, ayant aussi este dessoubs la poincte des oisseaux, de la s'est il parti avecq intention de retourner vers Guilliaume Bernard.
LA coste d'Oest de cette terre incognue, estant per tel moyen decouverte per Iehan Corneliss. Rijp, & Guilliaume Barentss at este derechef, navige l'An 1608. per Hendry Hudson, pour la Compe. Angloyse. Iceluy Hudson (selon ledire de Iudocus Hondius, en sa carte Planispherisque) at trouvé au noroest de ceste terre, sur la hauteur de 81. & 82. degrez une ferme coste de glace. Depuis ce temps la, ont envoye tous les Estés pour trouver des Barbes de Balaines (ainsi qu'on les nomme de coustume) & a bruler de la graysse. Laquelle pescherie la Compaignie Marchande sur Russe, a Londres at tenu & entretenu par eux seuls, iusques a ce que l'An dernier 1612. que Guilliaume de Muyen at este envoye d'Amsterdam, avecques une Navire: & un autre de Serdam, lesquels n'alloyent seulement jusques
| |
| |
a l'Isle dict Bereneylant, ou Isle d'Ours, pour tirer ou prendre des Walrusses, exepté ceuz ont encores este l'An susdict (les Anglois non comprins) une Navire de Biscaye, lesquels d'autant qu'euls sont plus habile a tirer ou prendre les balaines, qu'aucune autre Nation de la Chrestienitè, sont retourné avecques raisonnable prouffit, mais les nostres n'ont gueres avance, qui est la cause que l'an present soubs la conduitte de Guillaume de Muyen susdict, ont este equippe deux Navires, & ont noz Marchans, pour icelles Navires, loué 12. basques de S. Iean de Lus, a sçavoir 3. Mr. Harponiers, 3. Maistres de Chalupe, & les 6. autres pour servir a cuire les huilles, & couper les Baleines. Encore at esté envoyè une barcque d'Amsterdam, dont estoit Mr. Thomas Bonaert, estant la plus grand part de ses gens des Anglois & quelques Hollandois. Encores deux barques du bourg de Serdam, n'allant seulement que pour prendre des Walrusses. Oultre les susdites cincq Navires at este encores equipé une a Dunckerckes, auecques une petite barcque, une de Bordeaux, une de la Rochelle, & troix de S. Iean de Lus, & encores aucuns Espaignolz de S. Sebastian: La Compagnie de Russie a Londres entendant, que tant de Navires estoyent equipe, y ont aussi equipé 6 Navirez bien montéz, dont estoit Admiral ou Capitaine Benjamin Ioseph, sur la Navire le Tigre, armé avecques 21. grosses pieces de Canons, & ce pour empescher a tous autres la Navigation & pescherie, & les chasser des Costes. Encores que les nouvelles de ceste entreprise des Anglois, sont venus tant icy qu'en Biscaye, neantmoins tant bien les Biscayins (lesquels toutesfois on cuidoit icy, qu'alloyent pour le Roy d'Espaigne vers les Indes Occidentales ou Vuestindes, pour amener gens vers Lima) que les François & les notres se sont neantemoins voyagé vers la terre appellé Spitsbergen, ou Grenlandt (ainsi que le nomment les Anglois) & ce pourveu de bien peu d'arteillerie & ammunition de Guerre, estant seulement equippé pour la pescherie, prennant leur
| |
| |
chemin l'un ça l'autre la, en quelque Baye ou Hauvre.
La plus part doncques de Navires, s'estants sur leur pescherie avecq leurs gens, & estans a terre, les Angloys y sont venus & les ont chassé l'un devant l'autre apres.
Mais premier que de venir a la narration dicelle, nous deduirons tous les Ports qui sont a ceste coste. |
|
Auteursrechtvrij