Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae die wijse: Hoe luyde sanck die Leeraer op ter tinnen.

Dat 63. Liedeken.

[p. 240]

 

HOort Broeder wilt een nieuwe

 

Liet ontfanghen,

 

⁺ Ic hope dat wy Gods kinderen zijn

 

Na dien dat wy verlanghen,

 

⁺ Hier nae malcanderen alle ghemeen

 

Gods kinderen sullen noch comen byeen,

 

Met geen swackheyt behanghen.

 

2    Och dat hier aen ons niet wert beuonden

 

⁺

 

Dat kinderen gods niet en betaemt

 

Te leuen in die sonden

 

Christus die heeft voldaen die wet

 

Al tot een middelaer hem gheset

 

Voor swackheyt wilt doorgronden

 

3    Hoe souden wy in sonden leuen mogen

 

Wy die de sonden ghestoruen zijn

 

So Paulus ons comt toogen

 

Laet ons toch cruyssen den ouden mensch

 

Staet na dat onuerganckelijck is

 

Laet ons toch daer na pooghen

 

4    Wy zijn Gods kinderen vriendekens ghepresen,

 

⁺ Maer ten is noch niet gheopenbaert

 

Wat wy noch sullen wesen

 

So spreckt Johannes tot die schaer

 

So wie nauolghers zijn van haer

 

⁺ Die troosten haer mits desen.

+ Joa. 1, 12,

+ 1. Jo, 3. 14
4, esd. 2. 42
phil. 3, 21.

+ Ephe. 5, 3,
Joan, 8, 34
Gal. 3, 13,
1, tim. 2. 5,
1, Joa, 2, 2d
Rom. 6. 2, 3
Col. 3. 3,
1. cor. 6, 11
Gal. 5, 23,
2, cor, 4. 18

+ 1. Joan, 3, 2.
1. Cor. 2, 9,

+ 1, tess. 4, 18

[p. 241]

 

5    Maer Israel most veertich Jaren sweruen, ⁺

 

Dit is gheschiet tot onser leer ⁺

 

Den ouden mensch wilt steruen

 

Wy mogen daer wel acht op slaen

 

Die ongheloouighe zijn vergaen

 

Ghestraft sonder ontfermen.

 

6    Nu laet ons int ghelooue hier vroom campen,

 

Al haet die duysternisse dat licht, ⁺

 

Hebt toch brandende lampen

 

Staet in die wapenen Gods bereyt

 

Omgort v met die waerheyt,

 

Verdraecht die v beschampen.

 

7    Christus ons hooft heeft also veel verdraghen,

 

Niet langhe en had hy daer gheweest

 

Herodes dede hem veriaghen ⁺

 

Maria most in Epypten vlien

 

Men macht noch in die schrift wel sien,

 

Dat was so Gods behaghen. ⁺

 

8    Als Christus was omtrent zijn dertich Jaren,

 

Dreef hem die geest in die woestijn, ⁺

 

Den duyuel hoort tverclaren

 

Heeft hem ghetemteert tot onser leer

+ Nu. 14, 14

+ 1, co. 10, 11
Eph, 4, 22
Colo. 3, 9,
heb, 3. 18,
Nu, 16. 32.

+ Joa, 3, 10,
mat. 25, 4
Eph. 6. 11,
1. pet. 1, 13.

+ mat. 2, 14

+ Ose. 11, 1,

+ mat, 4, 2,
Luce. 4. 2,

[p. 242]

 

⁺ Daer na temteerden hem noch meer

 

Met vraghen die blinde scharen,

 

9    Voort alle dat van Christus was gheschreuen,

 

⁺ Dat heeft hy al te samen voldaen

 

Daer en is niet wtghewreuen

 

Eer hy die geest gaf hier op acht

 

⁺ Heeft hy ghesproken tis al volbracht

 

Daer nae liet hy zijn leuen.

 

10    In al dat Christus voor ons heeft gheleden,

 

⁺ Heeft hy ghehoorsaemheyt gheleert

 

Aenmerckt Paulus reden

 

Hy is gheworden een oorsaeck fijn

 

⁺ Tot sancheyt die hem ghehoorsaem zijn

 

Dus laet ons hem nae treden.

 

11    Hier mee beueel ick v den Heer der Heeren,

 

Dit slecht vermaen neemt toch in danck

 

Ghedaen nae v begheeren

 

Hier mee groet ick van herten v,

 

Die inder gherechticheyt blijuen nu

 

⁺ Die sullen triumpheeren.

+ Lu, 20, 24
mat. 22, 18

+ Luc. 22, 37

+ Joa. 19, 30

+ Heb. 5, 11,

+ Heb, 5, 12.

+ 4. esd. 2, 42