Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae die wijse: Moet ick om een cleyn Beeldeken soet.

Dat 49. Liedeken.

GHenade vrede wensch ick v
Mijn suster inden Heere
Die om dat goede lijden nu
Dat sal in vruecht verkeeren ⁺
In dien dat sy, in dien dat sy volherden
die werelt sal worden met haer lust tot nz
Voor een cleyn vruecht, voor een cleyn vruecht
So menich verdriet.
2    Verstaet toch dit slot reghel wel
Het sal also gheschieden
Des menschen leuen en dichten snel
Nae schriftelijck bedieden
Dat leuen lanc, dat leuen lanc der boosen

+ ioan, 16, 20
mat. 10, 22
1. Jo. 2, 17
Luc. 6, 25,
2, tess. 1, 9,

[p. 186]

 

⁺ Is sonder gloosen, als een gast van eenen dach,

 

⁺ Voor een cleyn vruecht, voor een cleyn vruecht

 

So menich verdriet.

 

3    Och suster neemt ter herten dit

 

Het sal v druck versoeten

 

⁺ Met lijtsaemheyt v siel besit,

 

Want den oprechten moeten

 

Veel lijden hier, veel lijden hier eylacy

 

⁺ swerelts rekeracy wat ist alst is geschiet

 

Voor een cleyn vruecht, voor een cleyn vruecht

 

So menich verdriet.

 

4    Men vint hier in dat aertsche dal

 

Oock by den ongherechten

 

Dat daer en is geen weelden al

 

⁺ Maer kijuen ende vechten

 

Armoede groot, armoede groot elende

 

⁺ dat sijt bekenden wie int ongeloof vroech verspiet,

 

⁺ Voor een cleyn vruecht, voor een cleyn vruecht

 

So menich verdriet.

 

⁺ 5    Want vleesschelijcke ghesint te zijn

 

Dat is die doot wilt hooren

 

Acht wel op Christus reden fijn,

 

⁺ Wie niet en wort herboren

 

Die en sal niet sien, die en sal niet sien gods rijcke

+ Sapi. 5, 9

+ Luc, 6, 25.
2, tess. 1, 9,

+ Lu, 21, 17
2. tim. 3, 12
psal. 34, 20

+ 1, Jo. 2, 17
Luc, 6, 25,
2, Tes. 1. 9

+ Rom. 2, 8.

+ mar, 16, 16

+ Luc. 6, 25
2, tes. 1, 9,

+ Rom, 8, 7
Ro, 6. 23,

+ Joan, 3, 3

[p. 187]

 

Wie niet en wijcken vant quaet haer genaeckt niet vliet, ⁺

 

Voor een cleyn vruecht, voor een cleyn vruecht ⁺

 

So menich verdriet.

 

6    Al die daer niet en heeft ghelooft

 

Den Euangelij claerlijck ⁺

 

Gods aensicht sal haer zijn berooft,

 

Sy sullen pijne swaerlijck ⁺

 

Lijden als dan, lijden als dan wilt achten

 

Als met heer crachten die heer zijn tooren wt giet,

 

Voor een cleyn vruecht, voor een cleyn vruecht ⁺

 

So menich verdriet.

 

7    Wie met Christus is opghestaen ⁺

 

Die zijn hier af ontslaghen

 

In dien sy na den gheest voort gaen ⁺

 

Haer nae Gods wille draghen

 

Ten eynde toe, ten eynde toe vroom strijden ⁺

 

Wat ist verblijden, des vleesch cranc als een riet,

 

Voor een cleyn vruecht, voor een cleyn vruecht ⁺

 

So menich verdriet.

 

8    Ons druck die tijtlijck is, en licht

 

Och suster die brengt mede

 

Also men in die schriftuere sicht ⁺

 

Seer groote heerlijckheden

+ Luc, 13, 5,

+ Luc. 6, 25
2. tes. 1, 9,

+ me. 16. 16.
2, pet, 2, 17

+ apo, 14, 11
Rom, 2, 9
2, tes. 1, 8,

+ Luc. 6, 25

+ Col, 3, 1
Rom. 6. 12

+ Rom. 8, 1,
Joan, 15. 14

+ mat. 24, 13
Sapi 15, 8

+ Luc. 6, 25,
2, tes. 1. 9
2, co. 4, 17

+ Sapi. 3, 5.
Ro. 8, 18.

[p. 188]

 

⁺ Die doot ist loon, die doot ist loon der sonden

 

⁺ Wilt dit door gronden comt anders van wellust yet,

 

⁺ Voor een cleyn vruecht, voor een cleyn vruecht

 

So menich verdriet.

 

9    Nu susters weest beuoolen godt

 

Ick groet v seer midts desen

 

Bidt toch voor my dit is het slot

 

Al die den Heere vresen

 

⁺ Dat geestelijck is, dat geestelijck is toch smaecket,

 

⁺ Want haer ghenaecket, die daer doen dat Godt verbiet,

 

⁺ Voor een cleyn vruecht, voor een cleyn vruecht

 

So menich verdriet.

+ Ro. 6, 23

+ 1. tim. 5, 6.

+ Luc. 6. 25,
2. tess. 1, 9,

+ Col, 3. 2,

+ 1. cor, 6, 10

+ Luc, 6, 25
2. tess. 1, 9.