Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Nae die wijse: O lustelijcke mey hoe schoon staet ghy ontloken.

Het 50. Liedeken.

GHenade vrede hoort
Wensch ick v toe van herten
Mijn seer gheliefde vrienden inden Heer,
En wijsheyt door Christus woort
Wy zijn vant eeuwich smarten
⁺ Ontslagen blijuen wy in Christus leer

+ Rom, 6, 22

[p. 189]

 

Ick moet v schencken een liet na v begeer

 

Ghy segt ick hebt v schuldich gheweest seer lanck

 

Hout het mijn ten goeden

 

Ick cant noch niet beuroeden

 

Van eenich woorts gheclanck

 

Is mijn outheyt seer cranck

 

Die heer sterck ons ghemoeden

 

Ende wil ons gangen spoeden

 

Dat wy toch blijuen in hem een ranck. ⁺

 

2    Die dorre rancken siet

 

Of ghesneden eylacy ⁺

 

So men mach lesen in Ezechiel

 

Daer af en mach men niet

 

O Christenen generacy

 

Een naghel of maken daer men yet aenstelt

 

Het Sout dat zijn cracht verliest verstaet dit wel, ⁺

 

Docht niet dan wt te ghieten spreeckt Christus claer,

 

Ten dient op lant noch dijcken

 

Dus laet ons hier op kijcken

 

En louen Godt eenpaer

 

Dat wy toch zijn vruchtbaer

 

Die vruchten moeten blijcken

 

Laet ons toch niet afwijcken

 

Godt is ons hulper allegaer. ⁺

+ Joan. 15, 5

+ Joa. 15, 6,
Eze. 15. 4,

+ math, 3, 13

+ heb, 13, 6,

[p. 190]

 

3    Laet ons toch vroom voort gaen

 

⁺ So wy Christum aen namen

 

Een yeghelijck in zijn beroepinge fijn

 

So wy ons wilt verstaen

 

Verchierden naet betamen

 

Och vrienden dit en moet niet vergeten zijn

 

⁺ Wy moghen ons seluen niet leuen op dit termijn

 

Dus laet ons op het woort des Heeren slaen acht,

 

Dat sal ons claerlijck tooghen

 

Hoe wy ons moeten vooghen

 

⁺ Want men den Heer verwacht

 

Als een dieff inder nacht

 

Laet ons nae vroomheyt pooghen

 

⁺ Tis al bloot voor gods ooghen

 

Die eeuwighe pijne en sal zijn niet sacht.

 

4    Wy zijn verlost daer van

 

⁺ Door tgheloof ghenesen

 

Blijuen wy in onse beroepinge net

 

Die vrou die moet den man

 

In als ghehoorsaem wesen

 

Die was een ordonnantie in die Wet

 

Petrus Paulus leert oock hier op let

 

⁺ Hoe dat die mannen sullen liefhebben haer vroue

 

Als haer eyghen leuen,

+ Col, 2, 6.
Eph. 4. 1,

+ 3, cor, 5, 15

+ mat. 25, 13
Luc. 12, 43

+ heb. 4, 13.
mat, 25, 42

+ Rom. 5, 1
1. pet. 1, 10.
Colo. 3, 18
Eph, 5, 22

+ 1. pet. 3, 7,
Eph. 5, 18

[p. 191]

 

So daer staet gheschreuen

 

Och vrienden ick aenschou

 

So wie hier blijft ghetrou, ⁺

 

Haer luyden wort ghegeuen

 

Hier nae sonden sneuen

 

Een eeuwighe vruecht sonder rou. ⁺

 

5    Tis hier ghedaen so ras

 

Laet ons toch zijn verduldich

 

Op dat wi toch sonder verdriet goet doen ⁺

 

Want wy zijn op dit pas

 

Al ons vermoghen schuldich

 

Ghecoft van deser aerden wilt dit beuroen ⁺

 

Wy moeten een licht hier zijn elck strijt toch coen,

 

Die dienaers met haer vrouwen moeten voor gaen ient ⁺

 

Wy volghen nae eerbaerlijck

 

Die schrift gheeft ons claerlijck

 

Gheen vrijheyt is bekent

 

Meer dan dienaers excellent ⁺

 

Godt haet het quade swaerlijck

 

Van herders schapen waerlijck

 

Laet ons vroom leuen in gods present

 

6    Laet ons toch vresen Godt

 

Hem dancke ende louen

 

Die ons riep int licht wt die duysternis ⁺

 

So dat ons deel en lot

+ Apo, 2, 10

+ mat, 15, 34

+ Gal, 6, 11,

+ 1, pet, 1, 19
mat, 5, 16,

+ 1, tim, 3, 8

+ Tit. 1. 6
psalm. 5. 5
Joan. 8, 34

+ Col. 1. 12

[p. 192]

 

⁺ Is in zijn rijck hier bouen,

 

Treden wy den smallen padt niet mis

 

Blijuen wy onwanckelbaer aen den hoop ghewis,

 

Datmen ons met recht een Christen noemt

 

⁺ Want den naem en mach niet baten

 

Ten leyt oock in gheen praten

 

Dit waer niet recht gheroemt

 

⁺ Gods goetheyt vloeyt en stroomt

 

Ouer swacke vaten

 

⁺ Die het quade haten

 

Wiens herte haer niet en verdoemt.

 

7    Hier mede wil ick v,

 

Beuelen godt almachtich

 

Dit liet schenck ick mijn vrienden voor een groet

 

Laeten wy malcanderen nu

 

Sijn int ghebet ghedachtich

 

⁺ Och vrienden laet ons blijuen in die liefde goet,

 

⁺ Sonder liefde ist al niet dit wel beuroet

 

Och vrienden laet ons wel toesien ghemeyn

 

Laet ons niet omme wenden

 

⁺ Maer laet ons toch die lenden

 

Ons ghemoets alleyn

 

Om gorden waken pleyn

 

Ick wil dit liet haest enden

+ mat, 8, 11,
mat. 7, 14
heb. 10, 23

+ Joan. 8. 39c

+ Eph. 2. 4,

+ Rom. 12. 9
1, Jo. 3. 21,

+ Joa, 15, 12

+ 1, cor. 13. 3

+ Eph. 6, 14
Luc. 12. 35
1, pet. 1, 13

[p. 193]

 

Groet my die bekenden

 

By v in Gods ghemeente pleyn.