Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

[p. 104]

Het 26. Liedeken.

C Nae die wijse: Ick roep wt luyder keelen.

GHenade vrede te samen
Wijsheyt Christus geest wilt hier op ramen,
Wensch ick also seer
Voor eenen groet met namen
Lieue vrienden inden Heer.
2    Een liet moet ick v senden
Hoe wel ic corts door onse groot elende
Niet tot sanghen ben ghestelt
Godt sterck die oude bekende
⁺ Dat sy behouden tvelt.
3    Ons seluen niet ouer en gheuen
⁺ In een onnut gheclap, maer oprecht leuen
Nae Gods ordenancy claer
Die ons is achter ghebleuen
In te blijuen allegader.
4    Wilt Moyses reden vaten
⁺ Ghy sult uwen naesten, in v hert niet haten
Maer hem so die schrijft ghewaecht
Straffen tot uwer baten
Op dat ghy gheen schult en draecht.
5    Om zijnent wille, en wilt niet dolen
Want Godt heeft een yegelick beuolen
Van zijn naesten so men leest
⁺ Want haer wegen zijn niet verholen.

+ 2, cor. 2. 16

+ 1, co. 15, 33

+ leui. 19. 17
mat, 18, 15

+ heb, 4, 13,

[p. 105]

 

Voor hem, wilt met godts geest.

 

6    Malcanderen onder wijsen ⁺

 

In spreken vrienden, dit is seer te prijsen

 

Oock isset Christus woort ⁺

 

Hoe mach het achterclap dus rijsen,

 

Dat nu seer veel wort ghehoort.

 

7    Wie in Christus gheloouen

 

Betaemt geen achterclappen noch faem rouen ⁺

 

Hoe wel dit nu veel gheschiet

 

O hemelsche vader van bouen

 

Ons elende toch aensiet.

 

8    Wilt die eenuuldighe scharen ⁺

 

Door dat gebet uwes soons, vant quaet bewaren

 

Geeft haer een gehoorsaem hert

 

Ghy weet Heer der heerscharen

 

Hoet nu verworpen wert.

 

9    V ordenantie van waerden

 

In v gemeente, die ghy opter aerden

 

Binden oock ont bidden cracht ⁺

 

Beuolen hebt te aenueerden

 

Dat wort lacy nu veracht.

 

10    Het welck nochtans moet blijuen, ⁺

 

So Christus woort luyt, nae Matheus schrijuen

 

Het moet onder houden zijn

 

Gods handeling salmen bedrijuen

 

Het wort bewesen fijn.

+ Gal. 6. 3,

+ mat, 18, 16

+ Jac. 4. 1[...]

+ Luc. 12. 12
rom, 8, 34

+ mat, 16. 19
mat. 18, 18

+ 1. cor. 5. 3
mat. 18. 5

[p. 106]

 

11    Nu vrienden wilt dit gedencken

 

Wt liefden heb ic dit moeten schencken

 

Hout het toch ten besten my

 

⁺ Godt wil ons met zijnen geest drincken

 

Om hem altijt te blijuen by.

+ Joan. 7, 38