Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

[p. 56]

Dat 13. Liedeken.

C Na die wijse: Ick stont maer huyden morgen, so heymelijck op een oort.

EEn liet moet ick v senden
Wt liefden dese reys
Hoe wel wy noyt en kenden
Malcander na den vleys
⁺ Ick hoop na Paulus woorden plein
Dat wy veele te samen
⁺ Een lichaem zijn ghemeyn.
2    Den Soone gods verheuen
⁺ Die is dat lichaems hooft
Sijn leden werden verdreuen
Ghemartelt haer goeden berooft
Die hem die sorch beueelt is wijs
⁺ Is dat lichaem niet beter
Seyt Christus dan spijs.
3    Mijn liefste laeten wy hier soecken
Dat rijcke Gods voor al
Christus die heeft ghesproken
Siet dat haer worden sal
⁺ Gheworpen toe, hier wel op siet
Al dat haer is van noode
Hier aen en twijfelt niet.
4    Men vint in veel manieren
Al van Gods gracy claer
Al doemen moste vieren,

+ Ro. 12, 6

+ exo. 12, 27

+ Eph. 5, 12
mat. 10. 23
Joan. 16, 2

+ mat. 6, 25
Luc. 12. 22
Luc. 11, 9,
mat. 6, 22

+ mat. 6. 33,

[p. 57]

 

Den acker dat sevenste Jaer

 

Leuiticus vijfentwintichste hoort, ⁺

 

So bracht dat seste Jare

 

Voor drie Jaer vruchten voort.

 

5    Dit is wilt hier op mercken

 

Gheschiet tot onser leer ⁺

 

Christus dat hooft der kercken,

 

Geeft nu zijn Bruyt veel meer

 

Een schaduwe heeft die wet gheweest ⁺

 

Van den toecomende goeden

 

Al somen claerlijck leest.

 

6    Noch cont die Heer wel spijsen

 

Veertich Jaren Israel ⁺

 

Dit wil ons onderwijsen

 

Inwendich en wterlijck wel ⁺

 

Lichamelijck so gheschiede dat

 

Christus seyt dat hy seluer

 

Dat rechte broot is plat. ⁺

 

7    Veel vinden wy van desen

 

Hoe godt de zijne voet

 

Al die den Heere vresen ⁺

 

Ontbreken ghenen goet

 

Want die Godtsalighe oeffeninge heeft ⁺

 

Beloften van dit leuen

 

Die lieuen Apostel schrijft.

 

8    Kinderen op te voeden

+ Leui. 24, 4

+ Ro. 15, 4.
Ephe. 5. 23

+ Heb. 10, 1
Sal. 4, 10
Colo. 2. 17

+ exo. 16, 16

+ 1 cor. 10. 11

+ Ioan. 6. 51

+ psa. 34, 11

+ 1. tim. 4. 8

[p. 58]

 

Tis veel al van een vrou

 

Maer godt can haer ghemoeden

 

Wel stercken al zijnse flou

 

⁺ Die moeder in die Machabeen

 

Heeft niet haer seuen Soonen

 

So vromelijck ghestreen

 

9    Dit slechte neemt in waerden

 

Hier mede groet ick v

 

⁺Laet ons op deser aerden

 

Malcander gedencken nu

 

Want wy een broot een lichaem zijn

 

⁺ Waer op dat wy ghebruycken

 

Dat teycken broot en wijn.

+ 2, mach. 7 41,

+ 1, cor, 11, 1
1, cor, 10, 17,

+ mat, 26, 25
Luc, 22, 19