Een nieu gheestelijck lietboecxken, twelck noch noyt in druck gheweest en is wt den Ouden ende Nieuwen Testament ghemaeckt

C Na de wijse: Ic hoorde gister auent al van Ternoyen spreken, oft van Joncker Willem.

Dat 14. Liedeken.

EEn liet wil ick beginnen
Ter liefden der Christenen sinnen,
⁺ Die metten Heer strijden, Op dat se mochten verwinnen
In dese werelt quaet
Daer sy moeten wesen
Een licht also wy lesen
Vrienden siet toe vroech en laet,
2    Och vrienden dat wy mogen

+ apo, 3, 5,
rom, 12, 2,
Phi, 2, 15
mat, 5, 16,

[p. 59]

 

Bestaen al voor Gods ooghen

 

En datmen ons mach nomen, een Christen sonder loghen

 

Want dat die salicheyt gelt,

 

Wy moeten al waerlijck

 

Ghesint zijn dit is claerlijck ⁺

 

So Christus was dit spelt.

 

3    Hy die daer heeft verlaten

 

Sijn glorie bouen maten

 

Sijn godtlijcke gedaente, en is geworden wilt vaten ⁺

 

Gelijc die mensch gemeyn

 

Hy is sonder sonden ⁺

 

Int ghelaet als een mensch beuonden

 

Gheboren een kindeken cleyn ⁺

 

4    Hy heeft gheweest zijn vader

 

Oock voor ons allegader

 

Ghehoorsaem ende ghewassen, die voeten van zijn verrader. ⁺

 

Hy gaf hem een abuys

 

Hy heeft hier ghestreden

 

In alle ghehoorsaemheden

 

Ja totter doot des cruys.

 

5    Waer mede hy ons allen ⁺

 

Versoende van Adams vallen

 

So wy tot hem bekeeren, ten leyt int praten noch callen,

+ 1, pet, 4, 1
Phi, 2, 5,

+ Phil, 2, 6

+ Heb, 5, 2

+ Luc, 2, 7

+ Joan, 13, 5

+ Phil, 2, 8
Jesa, 53, 8
1, pe, 2, 14
Luc, 13, 3,

[p. 60]

 

⁺ Sijn schaepkens hooren zijn stem

 

Die totten geest werden

 

Herbooren en volherden

 

⁺ Die sullen leuen voor hem

 

6    Wie niet en wort herbooren

 

Wt den water en geest wilt hooren

 

⁺ Die en sal Gods Rijck niet sien, Och vrienden laet ons spooren

 

Te worden recht nu ghebaert

 

Ons vleesch toch bedwinghen

 

Wt Christus geest vrucht voort bringen,

 

Van zijn natuer en aert.

 

7    Hoort Christus woort vol crachten

 

Hy leert ons wilt dit achten

 

⁺ Dat wy souden lief hebben, Malcander hoort met eendrachten,

 

So hy ons heeft lief ghehadt

 

Elck mach hier op letten

 

Hem seluen daer na setten

 

Christus ghebiet ons dat

 

⁺ 8    Laet ons op Christus mercken

 

Zijn gheest sal ons wel stercken

 

En oock vruchtbaer maecken, In alle goede wercken

 

⁺ Laet ons slechs daer na staen

 

Onuruchtbare rancken

+ ioan. 10. 27

+ Joan. 3, 3
ioan. 10. 28
Jac. 1, 18

+ Joan. 3, 3
1. pet. 2, 2,
Gal. 5. 17.
Joan. 15. 8,
2. pet. 1, 4

+ ioan. 13. 34
ioan. 15. 12

+ Eph. 3. 16

+ Joan. 15. 1

[p. 61]

 

Wil Godt den vader af dancken ⁺

 

Af snijden na Christus vermaen

 

9    Laet ons toch niet vertraghen

 

Al die daer vruchten draghen ⁺

 

Die sullen werden ghereynicht, dat sy hoort dit ghewaghen

 

Oueruloedigher sullen zijn

 

Die giericheyt hanteeren ⁺

 

Moghen altoos minder ontberen

 

Wie vuyl is wort vuylder hoort mijn

 

10    Och vrienden al te samen ⁺

 

Laet ons hier wel op ramen

 

Barmherticheyt bewijsen, In desen tijt met namen,

 

Deelt yemant dit aertsche ghoet

 

Wat heeft dat noch lacy

 

Met die liefde accordacy ⁺

 

Dat Christus storte zijn bloet.

 

11    Hierom laet ons als vromen

 

Arbeyden naer te comen

 

Christus natuer en leeringhe, Of hy sal ons verdoemen,

 

Elck siet toe hoe hijt maeckt,

 

Wie wat ouerschieten ⁺

 

Moeten deelen sonder verdrieten.

 

Of sy zijn onuruchtbaer naeckt.

+ mat. 21. 19
Luc. 13. 7,

+ ioan. 15, 2,

+ Luc. 12. 15

+ apo. 22. 11

+ math. 5, 7
mar. 22. 36

+     Luc. 16. 9
Jesa. 58. 7
1. ioan. 3. 17

[p. 62]

 

12    Hoort mannen ende wijuen

 

Om giericheyt moetmen blijuen

 

⁺ Al wt godts rijck, Och vrienden dit seg ick sonder kijuen

 

Siet vrienden die giericheyt is

 

Een wortel gheheten

 

⁺ Van alle quaet wy weten

 

Dit is Paulus woort ghewis.

 

13    Voort ist Christus begheren

 

Als dat wy souden leeren

 

⁺ Van hem ootmoedich sachtmoedich, is hy den Heer der heeren

 

En des menschen hert is boos

 

Al van zijn ionckheden

 

Laet ons toch Christus na treden

 

⁺ Dooden ons aert altoos,

 

14    Soo doende is mijn hoopen

 

⁺ Dat wy Godt moghen aenroepen

 

So wy nae tgoede Jagen, staet Godts ghenade ons open

 

Christus laet so niet zijn bruyt

 

Als sommighe gheuoelen

 

Die wt partijschap woelen

 

Datmen hoort wel sulck gheluyt.

 

15    Treet Godt in zijn rechten

 

⁺ Met zijnen swacke knechten

+ Eph, 5, 5,

+ 1, ti, 6, 10,

+ mt, 11, 29,
gene, 6, 5
gen, 8. 21,
1, pe, 2, 21,

+ Col, 3, 5

+ com, 8, 15
1, pet, 3. 13

+ esa, 130, 4

[p. 63]

 

Al teghens Dauids bidden, wie can gods tooren dan slechten ⁺

 

Waer blijuen sy selfs oock dan

 

Of sy zijn volcomen

 

Verstaense oock wel haer roemen

 

Waer toe dattet wel loopen can.

 

16    Ick wil mijn liet haest enden

 

Begonnen om mijn bekenden

 

Tot waerschouwinge wt liefden, dat wy niet souden om wenden

 

Door geenderley middelen hier

 

Int selfde vroom leuen

 

Daer wy ons toe hebben begeuen ⁺

 

Na Christus reghel en manier.

 

17    Nu oorlof van mijn dichten,

 

Godt wil ons meer verlichten ⁺

 

Dit is ghedaen wt liefden, oft yemant mochte stichten

 

Laet ons godt bidden ghelijck

 

Dat wy hier so handelen

 

Al inder liefden wandelen ⁺

 

Dat wy besitten gods rijck.

+ psa, 143, 2

+ Col, 2, 6,

+ Eph, 5, 14

+ Eph, 4. 15