Den Sendtbrief Pauli tot den Romeynen
(1582)–Johan Fruytiers–
Auteursrechtvrijop stichtsanghen gheset
[Folio A5r]
| |
 zijn ooc sonder schult,
En dat ghi ooc ontulieden sult,
Van het oordeel des Heeren.
4 Of wort van v hier heel veracht,
Ga naar voetnoot†Gods goetheyt die lancmoedich wacht,
En v roept tot bekeeren.
5 Na v hertneckich boose hert
Den schat des torens vergaert wert,
Als God hier sal ondecken
In tstorens dach op groot en smal.
6 Daer hy elck mensch vergelden sal
Nae men zijn werck sach strecken.
7 Die tgoet werck hebbe hier volbrocht,
En onuerderflijckheyt ghesocht,
Prijs, eer, en d'eewich leuen.
8 Den ghenen die daer soecken twist,
De waerheyt wederstaen met list,
Die coemt toorne beneuen.
9 Verdriet, benautheyt, ouer haer
Die het quaet wercken sonder vaer,
Joden en Griecken mede.
10 Dan allen die daer wercken tgoet,
Tsy Jood' oft Grieck, wie sulcx doet,
Sy eer, prijs, ende vrede.
11 Ons God op gheen persoonen let
Want die misdeden sonder wet
Sullen vergaende wesen
| |
[Folio A5v]
| |
Sonder de wet [en oock goet ront]
12 Die sondichden int swets verbont
Verdoemt de wet [midts desen.]
13 Voor God niet gherechtueerdicht zijn
Die de wet hooren telck termijn,
Maer diese doen sulcx werden.
14 De Heydenen [in als niet puer]
Die sonder wet wt de natuer
In tswets inhout volherden,
Dees zijn haer seluen een wet sterck,
15 Als die betoonen het wets werck
In haer te zijn gheschreuen:
Dewijl haer conscienci tuycht,
Tghedacht beschuldicht, therte buycht,
[Sulcx wort van God ghegheuen.]
17 Ghy wert een Jode hier ghenoemt,
Van Gode ghy v oock beroemt,
De wet dat is v ruste:
18 Ghy weet Gods wil, het goet ghy prijst,
Sijnde gheleert ghy onderwijst
Elck wt de wet met luste.
19 Te zijn een leytsman ghy betrout
Van blinden [oock van ionck en out]
Een licht der duysternissen.
20 Een leeraer van onwetende
Hier door de wet wt metende
Waerheyt die niet can missen.
21 Ghy die daer ander luyden leert
Tot eyghen leer ghy niet en keert,
[V selfs gaet ghy besijden]
Hier niet te stelen ghy beueelt,
En men siet dat ghy selue steelt
[Tot veel verscheyden tijden.]
22 Ghy verbiet oock het ouerspel,
En doet teghen tselfde beuel,
| |
[Folio A6r]
| |
V gruwelt voor Afgoden.
23 Ghy rooft dat Gode toe behoort
Roemende met des Heeren woort,
En onteert zijn gheboden.
|
