Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

[p. 216]

Slot-reden oft Epilogus der leeringhen Iesu Syrachs.

⁺Alle wijsheyt is van Godt almachtich.
⁺Staet daer na, op huer weghen wilt mercken.
⁺Godts woordt is huer fonteyne, volght dat eendrachtich.
⁺Siet wat Godts vreese is, ende wat sy can wercken.
⁺Verneert v, sijt lijdtsaem in strijtbaren percken
⁺Eert v ouders, ende weest niet hooch vermeten.
⁺Siet wat vrienden, beletten, oft stercken.
⁺Schuut tafel vrienden, ende swijght secreten.
⁺Mijt achterclap, lueghen sy van v verbeten.
⁺Gheeft aelmis na v Godt heeft ghegheuen.
⁺Schuut gulsicheyt, sijt manierich int eten.
⁺Siet hoe een vrome vrouwe wort verheuen.
⁺By een boos wijf ist seer quaet om leuen.
⁺Schuut godtloose, godtloosheyt ende ghewelt.
⁺Ghiericheyt, hoouaerdije sy verdreuen.
⁺Volght uwen roep, daer v Godt in heeft ghestelt.
⁺Ghelooft voorsichtich, vermijt boosen lust die quelt.
⁺Beweent den dooden, onderwijst de iuecht.
⁺Sijt niet onghehoorsaem, waerheyt werct en vertelt.
⁺Verwijt gheen weldaet, schuut ledicheyt daer ghy muecht.
⁺Mijt wrake, argh, list, spijt, bedroch volght de duecht.
⁺Hoet v voor sonde, gheen boete vertrect.
⁺Dreyght niet, hebt in niemants ongheluck vruecht.
⁺Onderscheyt wat tot wijsheyt en dwaesheyt strect.
⁺Set teringh na neringh, gheen toorne verwect.
⁺Lastert noch en sweert, ouerspel en twist vermijt.
⁺Bedwinght den boosen mont die de siel bevlect.

+ Syrach 1.

+ 3. 5. 14. 24.

+ 1. 3. 6.

+ 1. 2. 10. 12.

+ 2.

+ 2. ende 3.

+ 6. 9. 12. 27.

+ 19.

+ 7. 20.

+ 4.

+ 31. 38.

+ 7. 9. 26. 26.

+ 25.

+ 9 10.

+ 10.

+ 11. 38.

+ 13. 18.

+ 30. 38.

+ 5. 10.

+ 18.

+ 27.

+ 18.

+ 17. 18.

+ 21.

+ 18.

+ 28.

+ 28.

[p. 217]

 

Betrout niet te vele, sijt trouwe altijt.⁺

 

Vergheeft, ende v sal worden ghescholden quijt.⁺

 

Leent, ende wercken der barmherticheyt thoont.⁺

 

Siet wat wijn doet, dronckenschap schuwende sijt.⁺

 

Vliet haer, hoochmoet, gheen quaet met quaet en loont.⁺

 

Sticht v ghesinde, schuut luyicheyt, niemant hoont.⁺

 

Acht op gheen droomen, want waerheyt sal dueren.⁺

 

Bidt voor crancke weduwen, en weesen verschoont.⁺

 

Godt hoort d'elendighe ende die besueren.⁺

 

Draecht sorgh voor v dochteren t'elcker ueren.⁺

 

Want seer costelijck is een goede fame.⁺

 

Siet Godts wercken goet, volcomen int volvueren.⁺

 

En tsmenschen swacheyt sonder hulp onbequame.⁺

 

Dinct om het eynde, siet de aenghename.⁺

 

Vaderen, coninghen, propheten, mede⁺

 

Sijt danckbaer, ieghelijck hier wt wat versame,⁺

 

Dat hem stichte, vrucht bringh: int hert hou stede,⁺

 

Dat wensch ick v met eewich durende vrede.

+ 22.

+ 28.

+ 29.

+ 31.

+ 28.

+ 22. 33.

+ 34. 40.

+ 28. 35.

+ 53.

+ 42.

+ 41.

+ 17. 18. 39

+ 18.

+ 14.

+ 44. 45.

+ 46. &c.

+ 50. 51.