Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

[p. 200]

Het CVII. Liedeken vvt den selfden capittel op de vvijse, Sy en sullen my niet verdrijuen.

^+
+
+ HElias nv sijnde afwijckelijck..
Quam Godts gheest hier seer rijckelijck// Op He-
liseum al daer// Hy heeft niet verschrict, twas blijckelijck//
Voor den Vorsten hier ghelijckelijck// Niemant ver-
wont hem hier vorwaer.

⁺ Hy en liet hem hier oock niet dwinghen,
Ende na sdoots omringhen
Propheteerde sijn lichaem,
Int leuen cost hy volbringhen
Miraculen, wonder dinghen,
Seer loffelijck was sijnen naem.

Al dat ick v hier nv verhale

En holp niet altemale,
Dat het volck ghebetert wert
Van haer sonden boose quale,
Int sondighen principale
Bleuen sy hier noch euen hert.

+ Heleseus.

+ Gheestelijck

+ 2. Re. 2. a oock int 3. 4

+ 2. Re. 13. c

[p. 201]

 

Tot dat sy hier werden verdreuen ⁺

 

Een cleyn hoop is ghebleuen,

 

Een Vorst men by Dauidt vint,

 

De sommighe hier int leuen

 

Behaechden den Heer verheuen,

 

D'ander die liepen seer verblint.

+ 2. Re. 19. c ende 18. a