Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers–
AuteursrechtvrijInhoudt van het XL Cap.Het menschen leuen is op aerden een strijt, Alle dinghen die sijn hier verganckelijck, Trouwe, en waerheyt, die blijuen altijt, Ontrouwe doet den godtloosen staen wanckelijck. | |
Het LXXXV. Liedeken op de vvijse, Ter eeren van alle ionghelinghen.
Ga naar margenoot+ HEt is hier een seer ellendich dingh//
Met alder menschen iammerlijcke leuen//
Van d'ure dat hem sijn moeder ontfingh//
Tot dat hy weer in aerde wort ghe dreuen//
Sorgh, vrees, met hoop// is hier den loop// Ten
| |
[pagina 163]
| |
 laetsten coemt noch de doot beneuen.
Dees sal byden rijcxsten ende reynsten
Op haren tijt soo wel hier oock comen Ga naar margenoot+
Als byden onnutsten oft cleynsten,
Hoe hooch gheert sy sijn t'mach niet vromen,
Want sy veriaecht// die sijde draecht,
Croon, en kedel, twort al wech ghenomen.
Jeloersheyt ende teghenspoet,
Toorne, dootsvaer, ende onvrede, Ga naar margenoot+
Nijt, twist en onrust int ghemoet Ga naar margenoot+
Volghen den menschen in elcke stede, Ga naar margenoot+
En als ghy rust// tsherten onlust
Bringht menich swaer ghedacht mede. Ga naar margenoot+
Al rust hy een weynich het en is niet, Ga naar margenoot+
Want droomen hem verschricken,
Tschijnt dat hy sijn vyant voor hem siet,
Ontwakende dinct hem t'ontvlien sijn stricken,
Sijn vrees wert vruecht// en hy verhuecht,
[Den sin die woelt, hy heeft veel te beschicken.]
Dit quelt alle vleesche seer,
Menschen en vee moetent ghenieten,
Maer de godtloose seuenmael meer,
Want moort, swaert, ende bloet verghieten,
Hongher en druck// plaech, ongheluck,
Verderf, en al dat mach verdrieten,
Sulcx alle dat is verordent hier
Teghen godtloose sondaren,
Want om haren wille quam seer schier
De sondtvloet in voorleden iaren,
[Hoet v voor tquaet// in duecht voorts gaet,
Soo sal v Godt met Noe sparen.]
|
|