Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

Het LXVII. Liedeken vvt het selfde capittel op de vvijse, op den eersten Psalm. oft Mijn ziel looft den Heere.

^+
+
Ghelijck als alle menschen op aertrijck// en

+ Loop des vverelts.

+ Leerlijck.

[p. 131]

 

 

Adam was gheschapen van het slijck// ende de Heere

 

haer heeft onderscheyden// Nae sijne wijsheyt hier seer

 

menichfuldich// Menigherley die hem lof sijn schuldich//

 

Door t'gheen dat sijn hant hier cost bereyden.

 

 

 

D'een is gheseghent ende gheexalteert

 

En dander is vervloect ende verneert,

 

D'een afgheset, en dander die is veriaecht, ⁺

 

Want in sijn hant is twerck menigherleye,

 

Ghelijck int pottebackers hant cleye,

 

Hy maect sijn wercken ghelijct hem behaecht.

 

 

 

Soo ist met al dat leuen heeft ghesmaect,⁺

 

⁺

 

Nae sijnen wil heeft hy elck tsijn ghegheuen, ⁺

 

Alsoo is oock het goet teghen het boose,

 

Godturuchticheyt teghen het godtloose,

 

De doot oock mede teghen het leuen.

 

 

 

Siet al Gods werck [aerde, lucht, vier en zee]

 

Ghy vint doorgaens altijt twee teghen twee,

 

Deen teghen dander hem verordert sijn// paert

 

Lest ben ick opghewaect ende gheresen, ⁺

 

Ghelijck een die hier soude na lesen

 

De wijn besien achter den wijngaert,

+ Godt schept en regeert na sijnen vville.

+ Eza. 45. a

+ Ro. 9. c

+ Staet al in Godts hant.

+ 1. Co. 6. [...]

[p. 132]

 

En Godt die gaf my sijnen seghen hier,

 

Want ick mijn pers vol creech deur sijn bestier

 

Als opden herftst, dijs sy hem lof, eer en prijs,

 

Siet hoe dat ick voor my niet en arbeyde,

 

Maer dat voor al de ghene verspreyde

 

Die hier begheren van my onderwijs.

 

 

 

Hoort toch nae my ghy groote heeren al

 

⁺ En ghy regenten des volcx in dit dal,

 

Ende mijn woorden wilt in therte schrijuen,

 

Laet soon, noch wijf, broeder noch vrienden mede

 

Macht ouer v hebben tgheender stede,

 

Soo langh als ghy leeft en hier sult blijuen.

 

 

 

Gheeft niemant v goet wech op goeder trou

 

Op dat v tselfde naemaels niet betrou,

 

⁺ En dat van v selue dan werdt ghebeden,

 

Soo langh ghy hebt adem in uwen lijue,

 

En onderworpt v den man noch wijue,

 

[Want deur ontrou heeft menich gheleden.]

 

 

 

⁺ T is beter dat v sone uws behoeft

 

Dan wt sijn hant te leuen hier bedroeft,

 

Daeromme blijft hier d'ouerste in v goet,

 

V eer en sy van niemant hier benomen,

 

Maer als v eynde v sal aencomen

 

⁺

 

⁺ En ghy wech moet, dit selfste als dan doet.

 

⁺

+ Gheeft niemanden macht ouer v.

+ Veel betrouvven can vvel berouvven.

+ T is beter dan din kinderen v bidden dan ghy huer.

+ Ge. 48. b

+ Macha. 1. a

+ Vvie heeft dit versekert eenen ieghelijcken.