Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

[p. 126]

Inhoudt van het XXXII. Cap.

Sanck wert in matighen wijn ghepresen,

Godt salmen van als dancken en louen,

Sijn vreese, en woordt, moet onderhouden wesen,

Goeden raet en dient nummermeer verschouen.

Het LXIIII. Liedeken op de vvijse, Louen soo vvilt mijn ziel den Heer. Psal. 145. Oft Loouerkens dat sijn loouerken.

^+
+ Sijt ghy tot recher thier gheset//
Verheft v niet sulcx onbetaemt//
Gheeft daer dat recht is niet belet//
Tvolck twelck duechtlijck is versaent// Niemant en
blaemt// daer ghy by quaemt// Alst tijt is wilt swijghen//
eere sult ghy crijghen// duechtlijck wert ghy dan ghenaemt.

⁺ D'outste laet hebben d'eerste woort,
Het hoort hun toe, sy sijn versocht,
Speel lieden gheensins en verstoort,
Singhtmen gheen clap en sy ontknocht,
Wijsheyt bedocht// sy voort ghebrocht
Op andere tijden// nae het verblijden,
Dan dient best sulck werck ghevrocht.

+ Van de ieucht

+ Leerlijck.

+ Hoort na v ouder.

[p. 127]

 

Soo een robijn int gout schoon licht ⁺

 

Verhuecht den sanck tot elck termijn,

 

Oft een smarachde schoon van ghesicht,

 

Soo is muzijcke by den wijn. ⁺

 

Een ioncklinck fijn// in spraeck verschijn,

 

Eens oft oock tweemale// met soete tale, ⁺

 

Als dat van noode sal sijn. ⁺

 

 

 

Ionghelingh vraechtmen v hier iet,

 

Maect cort v woorden [ende clacht]

 

Hout v oft ghyt al en wist niet, ⁺

 

Swyght vele, den bet weter slacht, ⁺

 

By groot van macht// v niet en acht,

 

Te sijn huers ghelijcke// al sijt ghy rijcke,

 

Na twoordt vanden ouden wacht.

 

 

 

D'ouder bringht grooten blixem voort, ⁺

 

Schaemte oock groote ionste maect,

 

Daeromme ionghlingh alst behoort

 

Staet op als ghy sijt gheoorsaect,

 

Bedienstich waect// quaet spel dat laect,

 

In v vrolijckhede// soo bruijct vrede, ⁺

 

Vliet al dat nae boosheyt smaect.

 

 

 

En wat ghy doet oft hier voortbringht

 

Siet dat ghy op dees woorden bout, ⁺

 

Voor al de gauen die ghy ontfinght

 

Danct uwen schepper menichfout,

 

Die ionck en out// hier onderhout,

 

En diet al can spijsen// wilt eer bewijsen,

 

Vast altijt in hem betrout. ⁺

+ Van speel luden ende musijcke.

+ Vvat musijke is.

+ Eccle. 3. a

+ Van een ionghelingh.

+ Job. 32. a

+ Veel snaps mistaet de ieucht.

+ Een ionghelingh sal schamel sijn.

+ In vruecht bruyct vrede.

+ De ieucht sal Godt altijt dancken.

+ Dancbaerheyt.