Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen

Inhoudt van het XXX. Cap.

Oprechte ouders castien huer kinderen,

Sy leerense, maer Godt moet den gheest instorten,

Ghesontheyt is goet, crancheyt can hinderen,

Nijt ende toorne t'leuen vercorten.

Het LIX. Liedeken op de vvijse vande Passemede la douce.

^+
+
+ DIe sijn kint liefheeft die hout dz onder dwangh//
⁺ gheen roede sal hy mij en//
Op dz hy hier namaels vruechde weer ontfangh//
en hier ontvlie sijn lij den// wie sijn
kint hier sal castijen// die sal hem daer door ver-
blijen, By den bekenden en schaemt hem niet sijn faem//

+ Van kinderen te leeren en straffen.

+ Leerlijck.

+ Pro. 13. c ende 23. b

+ Buyght het vvisken tevvijl het groen is.

[p. 119]

 

 

Die sijn kint in als wel onderwijst// dat verdriet den

 

viant diet misprijst// maer een vrient die vint dat altijt seer be-

 

quaem// en hoopt na een goet erfghenaem.

 

 

 

Want hoe wel sijn vader hier op aerden sterf,

 

Soo ist of hy niet doot en waer, ⁺

 

Want hy laet hier sijns ghelijck die sijn goet erft,

 

[Duechtlijck, vroom, oprecht, eerbaer:]

 

Doen hy leefdee wast sijn vruecht daer,

 

Doen hy sterf en vielt hem niet swaer,

 

Want een beschutter hy hier liet ⁺

 

Teghen sijnen viant: maer de vrient

 

Die heeft wederom een die hem dient,

 

Aldus ziet de een sijn vruecht, d'ander verdriet,

 

En dit door straffe meest gheschiet.

 

 

 

Wie der saecht is met een kint seer ongheschict

 

En sijn slaen wil beclaghen, ⁺

 

Daer en bouen als tweent dat hy dan verschrict,

 

Siet dit alst crijght sijn daghen

 

Seer moetwillich salt hem draghen,

 

Het en sal nae niemant vraghen,

 

Het is een wilt peert dat temminghe behoeft, ⁺

 

Ist dat ghy met uwen kinde vleyt

 

Namaels is v weder vrees bereyt,

 

Speelt ghy met hem, het acht v als het gheboeft,

 

Namaels het v seer bedroeft.

+ T'skints duecht maect den vader hier onsterfelijck

+ Deu. 6. a

+ Aen een onghestraft kint vvort leet ghesien.

+ Een onghestraft kint is een onghetemt peert.

[p. 120]

 

⁺ Schimpt niet met hem soo en leert hy gheen onduecht,

 

En doet v trueren,

 

Laet hem sijnen wil niet volghen inder iuecht,

 

Oft dwaesheyt sal ghebueren,

 

Eer hy v selfs wil verschueren

 

Als hy cleyn is wilt hier spueren,

 

Dat ghy hem buyght den rugghe ende hals

 

Op dat hy tot boosheyt wtghestort

 

Onghehoorsaem v en doe te cort,

 

Onderwijst hem, hy schu ledicheyt in als,

 

Soo schuut ghy hier veel ongheuals.

+ Gheeft den kinde al sijnen vvil niet.