Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers–
AuteursrechtvrijHet LIIII. Liedeken op de vvijse, Een aerdich vrouken heeft my bedrooghen.
Ga naar margenoot+ Een boosen mont die can hier oneens maken// het volck
deur misverstant//
Hy canse drijuen om seer cleyne saken// al in
verscheyden lant// een stadt vast en plaisant// can
hy hier wel verderuen// hy rockent hier discoort// de
Ga naar margenoot+ rijken die hem eruen// die werden menichweruen// deur
hem al hier verstoort.
| |
[pagina 113]
| |
Hy verstoot oock de redelijke vrouwen
En rooft dat haer wert zuer,
Die hem ghehoor gheeft can gheen ruste houwen
Noch vrede tgheender uer, Ga naar margenoot+
Aenmerct sijn rechte cuer,
De gheessel maect de strepen
In hem die t'slaen ontfingh,
Dus wert van hem ghenepen
Als tquaet wert aenghegrepen,
Hy verderft alle dingh.
Veel isser hier gheuallen seer dickmale
Door t'swaert, ende oock ghewont,
Maer noch veel meer door hem die ick verhale, Ga naar margenoot+
Dat is een boosen mont,
Wel hem diemen hier vont
Te wesen in sijn daghen,
Voor desen hier beurijt,
En die hier niet derf draghen
Sijn stricken ende plaghen,
En sijn boos iock af snijt.
Want sulcken iock dat is seer sterck van ijser,
Sijn stricken coper fel,
Sijn plaech is bitter, sijt doch ghy dan wijser
En schuut dees erghe hel, Ga naar margenoot+
Die Godt vreest die doet wel,
Hy can op hem niet vaten
Syn vier verbrant hem niet,
Maer die Godt sal verlaten
Brant hier in bouen maten,
Selden ment bluschen siet.
Ronts om v goet set ghy een doren vuere,
Waerom is niet v werck Ga naar margenoot+
Den mont te maken een seer vaste duere
Met eenen grendel sterck,
V gout na ick aenmerck
Dat sult ghy hier wel weghen, Ga naar margenoot+
Hoe weecht ghy niet v woort?
Och zijt hier toe gheneghen
Soo wert gheen val vercreghen, Ga naar margenoot+
Die hier den mont bringht voort.
|
|