|
| |
| |
| |
XXV. Reis van Hesdin te Luik, langs Mechelen en Dendermonde, naar Atrecht.
1382 (3 Augustus-31 October).
Dit sijn de costen ghedaen bij Mer Janne Vilain, Meester Pieter van der Zijpe ende Willem van Haringhe, ghesent van Hesdin nietten Heere van den Gruuthuse te Ludeke, te Machline ende te Denremonde van Mins heeren weghe van Vlaendren, ende purreden van Hesdin, sondaeghs 3en van Ouste int jaer -82, dewelke costen Meester Pieter ende Willem betaelt hebben.
Teerst, zo voeren zij metten Heere van den Gruuthuse den vorseiden zondach savonts te Bethune, ende sanderdaeghs ter maeltijt te Rijssele, daerof Minnere van den Gruuthuse de costen betaelde, daerof zij niet en rekenen.
Item, den vorseiden maendach 4en dach van Ouste, savons te Rijsselle, omme de costen van Mer Janne, Meester Pieter ende Willem, die daer bleven omme zekere zaken, met 10 parden, 6 ℔ 12 s.
Item, sdisendaeghs daernaer, te maeltijt, te Rijs- | |
| |
selle, omme de costen van Mer Janne, Meester Pieter ende Willem vorseit, 46 s.
Item, savons te Herines, te Mins heeren van den Gruuthuse, die haerlieder costen betaelde, daerof hi niet rekenen wille, ghegheven de mesnieden in hoofscheden 2 franke, valent 3 ℔ 15 s.
Ende es te wetene dat swondaeghs daernaer, 6e dach, ter maeltijt, te Halle, zo betaelde Minhere van den Gruuthuse de costen.
Item, omme de costen van Meester Pietere ende Willem ende van Pierret den Messagier, van costen van sinen monde, met 5 paerden, van svorseits wonsdaeghs avens tot sdisendaeghs daernaer, 12e dach in Ouste, boven eere maeltijt dat zij aten metten Heere van den Gruuthuse, daerof hi rekenen sal, dat sijn van 5 daghen ende ½, wesende te Machline, die lopen 34 ℔ 9 s.
Item, sdisendaeghs, 12e dach, omme de costen van Mer Janne, Meester Pieter ende Willem, ter maeltijt te Wavre, varende te Ludeke wart, met 14 parden ende met Cuprekine 5 ℔ 12 s.
Ende es te wetene dat savons te Namen zo vergaderden wij metten Heere van den Gruuthuse, daer hi de costen betaelde.
Item, swonsdaeghs daernaer, 12e dach, ter maeltijt te Huy, omme de costen van Mer Janne, Meester Pieter ende Willem, met 14 parden, ommedat die van Machline met ons aten, 8 ℔ 7 s.
Item, omme de costen van Mer Janne, Meester Pieter ende Willem, van svorseits wonsdaeghs avons tot saterdaeghs naer maeltijt, dats van 3 daghen, wesende te Ludeke met 15 parden, Pierret den Messagier derin gherekent, 39 ℔ 4 s.
Item, den vorseiden saterdach, 16en dach in Ouste, savons, te Wourme, omme de costen van Mer Janne,
| |
| |
Meester Pieter ende Willem, met 15 parden, 7 ℔ 17 s.
Item, sondaeghs daernaer, 17e dach, ter maeltijt, te Duustborch, omme de costen van Mer Janne, Meester Pieter ende Willem, met 14 paerden 4 ℔ 18 s.
Item, svorseits sondach avons ende smaendaeghs daernaer al den dach te Machline, omme de costen van Meester Pieter ende Willem, met 5 parden, en met Cuprekine, die daer was, 5 ℔ 11 s.
Ende, es te wetene dat, sdisendaeghs daernaer, 19e dach, zo voeren wij ter Veure, ter dachvart van dien van Machline ende van dien van Lovene, daer wij vonden den Heere van den Gruuthuse; daer betaelden die van Machline onse costen, ende savons ende sanderdaeghs ter maeltide te Bruessele, zo betaelde onse costen de Heere van den Gruuthuse, daerof hi rekenen sal.
Item, swonsdaeghs avons, 20e dach, tot sondaeghs daernaer, dat es van 4 daghen, omme de costen van Meester Pieter ende Willem, met Cuprekine, 19 ℔ 10 s.
Item, sondaeghs daernaer, 24e dach, omme de costen van Meester Pieter ende Willem, tot sdisendaeghs avons, wesende te Denremonde met 5 parden, Mer Janne derin gherekent, van enen daghe met 6 parden, 14 ℔ 12 s.
Item, sdisendaeghs daernaer, 26e dach, savons, ende swonsdaeghs daernaer al den dach te Machline, omme de costen van Meester Pieter ende Willem, met Cuprekine, ende van donderdaeghs smoorghens, dat wi reden te Denremonde, 10 ℔ 16 s.
Item, omme de costen van Meester Pieter ende Willem, van sdonderdaeghs avons daernaer, dats van 4 daghe, wesende te Denremonde, 18 ℔.
Item, omme de costen van Meester Pieter ende Willem, van smaendaeghs avons, eerste dach van
| |
| |
September, sdisendaeghs daernaer ende swonsdaeghs smoorghens, ende om de costen van 2 huerparden, van 2 daghen, die Meester Pieter hadde, doe wij achterst waren te Denremonde, ende omme de costen van 2 Meester Pieters parden ende eenen knecht, die bleven te Machline ghequetst, ende de costen van dien, 15 ℔ gr.
Item, omme de costen van Willem van Haringhe, varende van Bruessele sdonderdaeghs, 4e dach van September, te Minheere te Hesdin, ende was uute 8 daghen, met costen van eenen huerparde van 3 daghen, 17 ℔ 12 s.
Ende es te wetene dat Minheere van den Gruuthuse betaelde Willems costen te Bruessele van der nacht te voren.
Item, omme de costen van Meester Pieter allene, met 3 parden, van swonsdaeghs avons, 3e dach van September, tot sdonderdaeghs, 11e dach, van dat Willem quam van Minheere, dats van 8 daghen, 20 ℔ 4 s.
Item, omme de costen, van Meester Pieter ende Willem van sdonderdaeghs, 11e dach, tot swonsdaeghs daernaer, 17e dach, dat zij voeren van Machline te Bevre, dats van 6 daghen, 30 ℔ 2 s.
Item, omme de costen van Meester Pieter ende Willem ende Salarde, varende met 7 parden tAndwerpen ende te Bevre, van 1 daghe ende ½, 7 ℔ 4 s.
Ende es te wetene, dat sdonderdaeghs, 18e dach, savons, zo betaelde Minheere van den Gruuthuse onse costen te Machline.
Somme, 158 ℔ 13 s.
Item, omme de costen van Meester Pieter ende Willem, van svridaeghs, 19e dach in September, tot sondaeghs, 5e dach in October, dats van 15 daghen,
| |
| |
Mer Jan Vilain van eenen daghe derin gherekent, met 7 parden, ende Pierret den Messagier, van 2 daghen met eenen paerde wesende te Denremonde, 89 ℔.
Item, omme de costen van Meester Pieter ende Willem ende Pierret den Messagier te Machline, van sondaeghs, 5e dach in October, tot sdisen daeghs avons daernaer, dat sijn 2 daghen ende ½, met 6 parden, 12 ℔ 3 s.
Item, omme de costen van Meester Pieter ende Willem, van sdisendaeghs avons, 7e dach in October, tot sondaeghs daernaer, naer maeltide, dats van 5 daghen, Petite, Mins heren messagier, van 2 daghen derin gherekent, wesende te Denremonde omme zekere zaken, 10 ℔.
Item, omme de costen van Meester Pieter ende Willem, van sondaeghs, 12e dach in October, tot sdisendaeghs, 28e dach daernaer, dat sijn 16 daghe, Petite, Mins heeren messagier, met eenen parde, derin gherekent van 5 daghen, wesende te Machline, 86 ℔ 18 s.
Item, omme de costen van Meester Pieter ende Willem, van Machline sdisendaeghs, 28e dach, commende te Minheere wart, tAtrecht, van 3 daghen en ½ met Diederic den Messagier, van 2 daghen. 22 ℔ 9 s. par.
Somme, 207 ℔ 18 s.
Somme van al den costen vorseit, 514 ℔ 11 s. par. mon
[Toute somme].
Rol-Rekening, nr 29905.
|
|
Auteursrecht onbekend