Cronyke van Vlaenderen. Deel 2

[p. 206]

XII. Baljuw van Hughevliet.

1384 (Mei-24 September).

Dit es de rekeninghe Jans van Crayenbrouc, bailliu van Hughenvliete, van al dat hi ontfaen heift van den proffiten ende exploiten van der vorseider bailgie zident der maent van Meye int jaer vierwaerven twintich ende drie tote den 22^sten daghe in Septembre int jaer -80 ende viere. Ghedaen te Rijssele.

Int eerste, ontfanghen van calaingen, der pays of ghemaect es voor vonnesse.

Item, ghecalengiert Michielkinne f. Arnouts, alsdat hi soude hebben ghesleghen met eenen gheyserden stocke enen Pieter Polle, daenof dat de boete es 10 ℔, pais omme 6 ℔.

Item, ghecalengiert enen Pieter Dankaerd, alsdat hi soude hebben uter steden ghedaen enen Pieter Denise met gheslepenre wapene, danof dat de boete es 60 ℔, pais omme 14 ℔.

Item, ghecalengiert Margrieten Thomaes, van dat soe slouch Betkin Pauwels met enen gheyserden stocke, dauof dat de boete es 10 ℔, pais omme 3 ℔.

Item, ghecalengiert Jan den Corten, dat hi uter stede deide enen Gillis Yserinne met gheslepenre

[p. 207]

wapene, danof dat de boete es 60 ℔, pais omme 10 ℔.

Item, ghevanghen enen Willekin van Steenberghe, van dat [hi] soude hebben ghenomen ene coppele visch, alzo men zeide, twelke vorseide Willekin onder sine jare was, ende bi beveeine van Minen heere den Souverein ende ter beide van goeden lieden, pais omme 18 ℔.

Somme van al sbaillius ontfanghe, 51 ℔ parisis.

Op den rug: Compte Jehan de Crayenbrouc, bailliu de Hughenvliet, fait à Lille depuis le May - 83 jusques au 19^e jour de Septembre l'an -84.

Rol-Rekening, n^r 1811.