|
| |
| |
| |
XI. Baljuws van Biervliet.
A. 1382 (12 Januari-8 Mei).
Dit es die rekeninghe Jan Pieters, baelliu van Biervliet, van al dat hi heft ontfanghen, gheheven ende uutghegheven van den profiten ende exploiten van der vorseider bailgien, sichtent den 16sten dach van Laumaent int jaer van -81tighen ghedurende tote den 8sten daghe van Meye int jaer van -82tighen. Ghedaen voor Mijns liefs heeren Raet, shertoghen van Boirghoengen, ghecommittert met zinen commissien, al binnen der steden van Risele.
Int erste, ontfanghen van calaengen, daer pais of ghemaect es voor vonnesse.
Annin Vinne, omdat hi een mes ghetrocken soude hebben up Joos den Vos, daerof die boete es 5 ℔, derde der Stede, pais om 42 scell.
Marie, Quade Willen wijf, ghecalengiert omdat soe droghen arinc tAxele ghevoert soude hebben meer dan haer gheconsentert was, pais om 3 ℔.
Annin, Jacops sone Cortebroux, omdat hi een mes ghetrocken soude hebben up Annin Blocke, die boete 5 ℔, derde der Stede, pais om 3 ℔.
Somme, 11 ℔ 2 s.
| |
| |
Dese persone, die hiernaer volghen, ghecalengiert omdat zij quade mate in haer huus ghehadt souden hebben, daerof die boete es 3 ℔, dat derde toebehorende der Steden, daerof van elken pais ghemaect es voor vonnesse:
| Joos Martin, pais om 36 s. |
| Heinric van den Zande, pais om 35 s. |
| Jan Scelrees, pais om 35 s. |
| Pieter Mortamer, pais om 31 s. |
| Jan Scaersteen, pais om 35 s. |
| Jan Bart, pais om 35 s. |
| Kateline van Bordeaus, pais om 30 s. |
| Fierin Cloet, pais om 31 s. |
| Jan Betten neve, pais om 35 s. |
| Jacop de Smet, pais om 31 s. |
| Vlaminc, pais om 35 s. |
| Griele Donckers, pais om 30 s. |
| Stasin Couke, pais om 31 s. |
| Jacob Roele, pais om 35 s. |
| Joos Scaersteen, pais om 35 s. |
| Pieter de Maghere, pais om 35 s. |
| Jan Corin, pais om 35 s. |
| Relicta Jan Gheraerts, pais om 30 s. |
| Relicta Symoen Cortebroux pais om 30 s. |
Dese persone waren ghecalengiert van quaden ghewichte, daerof die boete 3 ℔, van elken, derde der Stede.
| Tuenis Rose, pais om 35 s. |
| Marie Braems, pais om 35 s. |
| Lievin Elout, pais om 35 s. |
| Pieter dOllandre, pais om 35 s. |
| Heinric Crabbe, pais om 36 s. |
Somme van des en siicken, 40 ℔, 6 s. par.
| |
| |
Onder Jan Blancken was ghecalengiert dat hi enen vrempden man sculdich soude hebben ghewest, dewelke vrempde man ghestorven was zonder yment hem achtervolghende, pais ghemaect om 6 ℔.
Jan Coude, ghecalengiert omdat hi den colfdraghers Mijns heren van Boirgoengen om haer officie doende versproken soude hebben ende quade, vule, despiteuse woorde ghegheven soude hebben, twelke die baelliu trac, dat hi leelichede ende scoufieringhe ghesproken soude hebben den Here, daerof scepenen wel die kennisse adden, pais bi der Wet om 50 ℔, 25 te betaelne nu te deser rekeninghe hiernaer commende ende 25 ℔, de naeste rekeninghe hiernaest commende, (al betaelt).
Bernaert Coopman, Heins sone, ghecalengiert omdat zijn moeder, uppe dien tijt dat die van Ghent tOosburgh waren, soude Bernaerts moeder vorseid haer ghelt ghedolven, ende Bernaert soude zire moeder ghelt ghevonden, maer niet al en soude hijt sijnre moeder wederghegheven hebben; ende onder Bernaerde soude vonden ghewest hebben een lettelkin goets, toebehorende Arnoude, zinen broeder, in Ghent sonde zijn, pais van beeden om 50 ℔.
Annin Boutshooft, scipman ende bastaert, van zinen cledren ontfanghen 3 ℔.
Somme van desen parceelen metten bastaertsgoede, 109 ℔ par.
Somme van al den ontfanghe, 160 ℔, 8 s. par.
Dit es tuutgheven van den vorseiden baelliu.
Omme de wedden van den baelliu, 20 ℔.
Omme de wedden van den clerc ende van den 2 colfdraghers, 6 ℔.
Somme van sbaellius uutghevene, 26 ℔ par.
Ende tontfanc draeght 160 ℔ 8 s.
| |
| |
Aldus heft die baelliu meer ontfanghen dan uutghegheven, 134 ℔ 8 s. par.
Item, Annekin Tierin, ghebannen uten lande van Vlaendren, bi clachten van den Here ende bi der Wet van Biervliet, van der doot ende van der moort Annekins van den Hamere, die balling ving die baelliu bi nachte, ende daerover was justicie ghedaen metten swaerde, die coste van den hangheman, den priester die zine biachte hoorde, van baste, van coorden ende ende 1 paer antschoen, 4 ℔ par.
Dus es die baelliu sculdich 130tich pont 8 s. (qui sont rendus par le compte H. Lippin, receveur de Biervliet et de Harlebèque, feni 28 d'octobre -86 et quitté cy.)
Op den rug: Compte Jehan fs Pieters, bailliu de Biervliet, finissant le 8e jour de May -82.
Rol-Rekening, nr 1242.
| |
| |
| |
Biervliet.
B. 1382-1385 (8 Mei-8 Mei).
Dit es de rekeninghe Jan Pieters soens, bailliu van Biervliet, van al dat hij ontfaen ende uutghegheven heeft van den profiten ende exploten van der vorseider baelgie, ende wel blijct dat lettel profite verscenen noch ghevallen enne hebben, zichtent den thijt dat Mijns liefs gheduchts heeren vriende weder binnen den lande camen, ende ooc daer te voren, mids capiteinen ende saudoijers, die binnen der vorseider stede zijn, die qualic connen ghedoghen dat hem de vorseide bailliu yewerd of onderwint, ende daertoe de vorseide stede staende zonder wet ende vonnesse ende zonder coopmanscepe ende neringhe, beghinnende den 8sten dach van Meye, int jaer-82, ende ghedurende tote den 8sten dagh van Meye int jaer -85. Ghedaen voor Mijns liefs, gheduchts heeren Raed van Bourgognen ende van Vlaendren, gecommitteerd met zijnen commissien al binnen der stede van Brugghe.
Int. eerste, ontfaen van calaengen daer pays of ghemaect es bi scepenen ende andren goeden lieden.
Willem Boutshooft, Willems sone, van dat hij eene heuke ghenomen zoude hebben te Hughe Maes, ende
| |
| |
te Clais Buux 1 zelverine scale, ter bede van Pieter van Everinghen ende andren goeden lieden, pays om 50 ℔.
Item, Jan Donter, ghecalengierd van dat hij 1 meiskin meshandelt zoude hebben binnen 1 huus bi daghe, daerof de boete es 30 ℔, pays bi Jan Pieters sonen ende den borghmeester om 12 ℔.
Item, Pieter Danquin, van 1 messe te treckene up Janne den Pachtere, daerof de boete es 5 ℔, derde der Stede, pays om 3 ℔.
Item, Willem Keyle, van wonden te ghevene Hc Bonen, de boete 10 ℔, tderde der Stede, pays bi der Wet om 5 ℔.
Item, Gillis Keyle, van 1 messe te treckene up Heinric Bonen, de boete 5 ℔, tderde der Stede, pays om 40 ℔.
Item, Ghiselin van Lamswerde, omdat hij niet tappen en wilde ten vonnesse van scepenen, daerof de boete es 6 ℔, tderde der Stede, pays om 4 ℔.
Item, Boudin f. Pieters, van dat hij slouch Marie Snoux bi daghe in haer huus, de boete 30 ℔, pays om 16 ℔.
Item, Willem de Maghere, van scepenen leelichede te sprekene, de boete 10 ℔, pays om 5 ℔.
Item, Wouter Konkel, van dat hij slouch Pauwels Konkele metter vust, de boete 3 ℔, derde der Stede pays om 32 s.
Item, Jan meester Jan, van 1 messe te treckene up Willekin van Deurdrecht, de boete 5 ℔, tderde der Stede, pays om 48 s.
Somme, 101 ℔.
Hierna volght van bastaerdegoede ende van verbuerden goede.
Eerst, van Hughe Ockaerds wive, dat zoe sculdich was Willem Goreelmakere, bastaert, ontfaen 3 ℔.
| |
| |
Item, van Joes Meede, dat hij sculdich was Willem Goreelmakere, bastaert, ontfaen 48 s.
Item, van Pieter Malins wedewe, dat zoe sculdich was Willem Goreelmakere, bastaert, ontfaen 3 ℔.
Item, van merjoncfrouw Wouters van Crayewerve, van dat zoe sculdich was Grielkinen, Willaerd Boudens zoens bastaerddekind was, ontfaen 9 ℔.
Item, van Joos Boutshoofts wedewe, ommedat de vorseide Joos bastaert was, tvierendeel van 1 huus, ontfaen 14 ℔.
Item, van Katelinen, Willem Pankoux wedewe, van dat zoe sculdich was Willem den Brabandre, bastaert, ontfaen 8 ℔.
Item, van Pieter Hekele, bastaerd, van 1 bedde ende van ouden cleedren, ontfaen 4 ℔.
Item, van here Jan van der Cousse, van verbeurden goede, van eenen quaden bedde met 1 saerge ende oude scotelen, ontfaen 4 ℔.
Item, van Katelinen, Stevins wedewe van Pruussen, omdat haer man bastaerd was, van 1 loge staende onder Pieter Alaerds ende van eenen stic huus, ontfaen 6 ℔.
Item, van Joes den Maghere, die gheruumt es van meuten, van 1 bedde met 1 saerge, ontfaen 5 ℔.
Somme, 58 ℔, 8 s.
Somme van al desen ontfanghene ende van al desen vorseiden parcheelen, 159 ℔, 8 s. par.
Dit es tuutgheven van den bailliu.
Eerst, omme de wedden van den bailliu, 20 ℔ par.
Item, omme de wedden van den clerc ende van den 2 colvedraghers, 6 ℔.
Item, vinc de bailliu 1 knecht uten Duutschen
| |
| |
lande, die lyede dat hij mettien van Ghend ghecalengierd hadde ende dat hij ballinc was ghenaemt Hannekin Witvoet, daerover dat justicie ghedaen was metten zwaerde, coste 4 ℔.
Item, uutghegheven omme tBroothuus te vermakene ende te verdeckene:
Eerst, Coppin Bollaert 1 ½ dach, 6 groten over den dach, loopt 9 gr.
Item, van ysere datter toeghinc, 11 gr. 1 ingh.
Item, Jan Scaersteens wedewe, van 900 decteglen ende 36, thondert 4 groten, loopt 37 gr. 1 ingh.
Item, Janne den Tegheldeckere, van kalke 21 lepine, 30 gr.
Item, Janne den Tegheldeckere, van 2 ½ daghen, 8 groten over den dach, van deckene, loopt 20 gr.
Item, Clais die Dolf, die hem diende 2 ½ daghen, 4 groten over den dach, loopt 10 gr.
Somme van desen uutghevene, 35 ℔, 17 s. 2 inghelschen.
Ende tontfanc draecht 159 ℔, 8 s. par.
Dus heeft de bailliu meer ontfaen dan uutghegheven, 123 ℔, 10 s. ende 1 inghelsce par.
(Qui sont rendus par le compte H. Lippin, receveur de Biervliet et de Harlebèque, feni 28 d' Octobre l'an 1386, et quitté cy.)
Op den rug: Compte Jehan f. Pieters, bailliu de Biervliet, fait à Bruges devant Monsigneur le prevost de Bruges et Henri Lippin, receveur, le 23e jour d' Octobre l'an -85, depuis le 8e jour de May, l'an -82 jusques au 8e jour de May, l'an -82 dessus dit.
Rol-Rekening, nr 1243.
|
|
Auteursrecht onbekend