daer toe lust heeft, sal nemmer wijs zijn. Dattet waer is, bevindtmen op der Boeren Kerck-wyinghe wel, als sy ten Vespertijt aflaet wtdeelen: ende de Wijn is des naesten oproers gheen kleyn oorsaecke gheweest. Noch drincken de Vorsten altijt meer ende meer, werden ooc met hare schaden niet wijs. Dat meent oock Salomon in Prover. xxiij. Cap. Waer zijn wonden sonder oorsake? Daer men by den Wijn sidt, ende drinckt wt wat ingheschenckt is. Iae de ervaringhe leert oock, dat selden een gastinghe vergaet sonder twist, ende moeten de spreucken der Schrift met der daedt waer maken: Wijn maeckt wilt. Daer wil by den wijn mennich krijghen, die anders gheen Vyandt derf aensien: Alsoo boldert de wijn inden Luyden. Noch laetment alsoo gheschien, by avonturen daerom, datmen met een schijn also den Luyden mach onder komen, ende den buydel met het Gelt mach nemen. Het helpt gheen Verbot, oorsake hebt ghy boven ghehoort.
Auteursrechtvrij