Momusklanken. Gedichten in 't Maastrichtsch, Nederlandsch en Fransch

[p. 34]

Et vreugjaor.

Wie prachtig steit et veld in kleuren;
Wie hartverkwikkend schijnt de zon!
't Hielal verneuit zen levenskrachten
In 't vuurbad van de gouwe bron.
Dao kroent zich eeder boum mét blajer,
Dao vúlt zich eeder bos mét zaank;
Den hiemel dee lach^t d'eerd noe tegen
En d'eerd die schik^t em lof en daank

[p. 35]

 

De beek, die gist'reⁿ laog bevroren,

 

Drijf^t ronkend aof wie vleuiend glaas;

 

De balsemreuk van d'ierste blommen

 

Klump op van oet et golvend graas;

 

De goudkapel, de bij, de vogel,

 

Dat vluig^t en speúlt te weeg al rond;

 

Alles verblijd^t zich noe te leven

 

Zoe in de loch^t es oppe grond.

 

 

 

De mins stik^t ouch de kop nao boven

 

En staart zich op zen schatten blind;

 

De geis^t van God dee veult er wêien

 

In eeder wallem van de wind;

 

Er is van kauw neet mie gekrompen,

 

Ze blood steit neet mie stél en stiif,

 

Et vleuit em roeschend door zen aojers,

 

En 't hart dat sprink^t em in ze liif.

 

 

 

Bedwellemp door et riik geneeten

 

Trêit er al stél en zwigend voor^ts

 

En schúp^t te loch^t die em omkrunkelt

 

Mét opgeruimde en volle boors;

 

En oppe groos van d'iersten heuvel,

 

Woe heúm zen wandeling nao leit,

 

Zink^t heer godvrúchtig op zen knejen,

 

En klump zen daankgeveul dat beit:

 

 

 

‘Triomf, onsterfelikke Leefde,

 

Et is tiin mach^t die 't aal bezielt,

 

Die deit herbleuien en herleven

 

Al wat ten tiid krink^t en vernielt,

 

Die noets en wereld liet oetsterven

 

Zonder en nui doen op te goon

 

En altiid door volmaakter werken

 

Zich deit erkinnen en verstoon

 

 

[p. 36]

 

Triomf! onindelikke wiisheid,

 

Die alles héls in ze verband

 

En et bestiers nao vaste wétten

 

Van aon de mins tot aon de plant.

 

't Is tine geis^t, hoeg Opperwezen,

 

Dee zweef^t door 't onbegrensd Hielal

 

En veur 't begin tot nao et einde

 

Geweest is, is en bliven zal.

 

 

 

Th. Weustenraad.

(Oet 't onoetgegeveⁿ gedicht: De beiweeg nao Scherpenheuvel.)