Mastreechter veerskes

[p. 182]

Cantate op Momus' 55-jaorig jubelei.

Glorie! Glorie! 't Schalle wiit!
Wat de wisselvolle tiid
Ouch bereidt veur eus Mastreech,
Momus' naom dee zal
Ieuwig bovenal
Glansen in et stareleech.

Daag van iere, daag van daank!
Viif en viiftig jaore laank
Wêit noe hei de Momusvaon
Die op lùstigheid,
Kuns en chariteit
Golve liet heùr kleur'ge baon.

Ha! Es fies is in eus riik
Dan is alle zörg die wiik;
In de beker schuimp de wiin,
Lùstig klink et leed
En de vreùg die heet
Vrij us ònder heùre schiin.

Hiemelskeend, doe Kuns, die 't meis
Kaans verhùffe hart en geis,
Wie heet Momus dich gevierd,
In muziek en taol
Of in schèlderzaol
Hei den schoenheidsgaof gelierd!

[p. 183]

 

Ao! Mer ouch boe treurt et leid,

 

Hònger mèt vertwiif'ling sleit,

 

Auwerdom in noed zich vrink,

 

Dao is Momus' haand,

 

Die in leefdebaand

 

Traone druug en hùllep brink.

 

 

 

Glorie! Hoeg! Et schalle wiit!

 

Wat de wisselvolle tiid

 

Ouch bereidt veur eus Mastreech,

 

Momus' naom dee zal

 

Ieuwig bovenal

 

Glansen in et stareleech!

 

 

 

1894.