Mastreechter veerskes

[p. 102]

Drinkleedje.

Dee noets heet ene roesch gehad,
Dee is gei christe maan;
Want Noach heet te drouf gezat
Veur dat ze laove kaan,
En Christus wou gei water zien,
Heer maakde daovan lekk're wiin.

Mer veùl te drinke da's neet good;
En eeder kint zen maot,
Es op en oer mer steit ten hood,
Dan is m'in gooie staot.
Mer zup me wie'n gezwolle beek,
Dan deit me niks es gekkestreek.

Es, goudgeliik, et droeveblood
Hei in eus glazer blink,
En eeder drinker, blijgemood,
Zich e klein ruuschke drink,
Wat scheelt us dat et nidoers spit
En haat us in 't geheim verrit?

Veriert et gleeske; want et deit,
Zoe leeg en zoe gevùld,
Vergete 't dreuvig wereldsleid
En alles zien vergùld.
Wee dich versmiet, doe lekkre wiin,
Dee is neet weerd van mins te ziin.

[p. 103]

 

Dus drink mer trouw, en drink mer braaf,

 

Wijl uch et wijntje smaak,

 

Zoe lang tottat ger in et graaf

 

Al struk'lenteere raak.

 

Dao zwiimelt us neet mie de kop

 

En hèlt van zelles 't drinken op.

 

 

 

Januari 1872.