Mastreechter veerskes

[p. 96]

Gedachte.

Miejer nog es al de steerkes
Die hun leech us tegelach,
Zèlv're peerle die de sluier
Seere van de stèlle nach,

Miejer nog es al de kores,
Kores van 't Arabisch zaand,
Die de wind es wolke slingert
Door den heite zonnebraand,

Miejer nog es al de golve,
Die, in schoem bemanteld gaans,
Mèt tempiesgehuils zich steig're,
Klotsen in'nen wèllen daans,

Miejer, jao, ziin de gedachte,
Die, verleijetig en zeut,
Leefste keend, nao dich zich drêije,
Noe men hart van leefde gleuit.

1868.