Mastreechter veerskes

[p. 94]

Aon de Mastreechter vröukes.

Opdrach van men veerskes.

Op eusen auwt Mastreechter grònd,
Boe wêit en loch, zoe fris, gezònd,
Dat alle harter zich d'rin laove,
Dao huurt men ouch en taol,
Zoe vol geveul en riik aon gaove,
Geleef van allemaol.

Dao hùb ich noe mèt eige hand
En haöfken aongelag, beplant;
Et is nog klein, mer noe al greuie
Dao ein'ge blommestruuk,
En hei en dao, dao zuut me bleuien
En roes die lekker ruuk.

En van die blömkes, nog get teer,
Geveuid in 't lachend zomerweer,
Hùb ich veur uch noe wèlle plùkken
E klein mer rein boekèt;
Ao! nùmp et aon! Et moch mich lùkke,
Ger waort content daomèt.

1866.