Mastreechter veerskes

[p. 84]

Et regent.

Et regent, et regent!
Das God dee dat schik.
Et veld is gezegend,
Et veld is verkwik.

't Waos tiid; want ze gleuide,
De zon; en de noed
Dee dròng en dee greuide,
Erbermeliik groet.

De vrùchte die lachde
Wie vreuger neet aon;
Ze hòngen en smachde
Nao'n hiemelse traon.

De blomme die lete
Hun köpkes gebök;
Et waos of ze krete
Door elend gestök.

En dreuvig, dao stònte
De weije verbraand;
De bieste die vònte
Niks ònder den taand.

Mê 't regent, et regent!
De loch is verkwik,
Et veld is gezegend;
Das God dee dat schik.

En alles dat reurt zich,
En alles herleef,
Et graas dat herkleurt zich,
En 't spierke dat beef.

[p. 85]

 

En lùstig weer klatere

 

Door bos en door wei

 

De beekskes, en schatere

 

De vögelkes blij.

 

 

 

De boer, dee ze kore,

 

Verdruug en verlet,

 

Al meinde verlore,

 

Dee zuut et gered.

 

 

 

D'rum is er te vreije

 

Zen hart opgekwik;

 

Er los in gebeije

 

Zen vreùgden en sprik:

 

 

 

‘Et regent, et regent!

 

Den ougs dee waos kraank;

 

Mer God em noe zegent,

 

Aon God eusen daank.’