Mastreechter veerskes

[p. 63]

Plaoge.

Dao ziin veùl plaogen op dees wereld:
De krets, de cholera, de pes,
Dao ziin de steketige vleege,
Den hònger, zònder geld op tes.

Dao ziin de gich, de roes, et puutje,
Wie ouch en blouw geloupe scheen,
De krampen in de boek en derrem
En slechte bitter Van der Veen.

Mer al die plaogen en die kwaole,
Wie erreg ouch veur ziel en liif,
Die mote wike veur en ander,
Dat is: e koed en spitig wiif.

1863.