Tpalays der gheleerder ingienen, oft der constiger geesten

[fol. Gvr]

xcix.

Als Hercules meynde ruste hebben perfect // hier
Als hi hem in veel strijden verwect // fier, hadde grootelijck
So quam Hydra tserpent, dat beulect // dier
Vernieuwende sijn traualie fenijnich dootelijck
Als wi hebben fame, en eere vercregen blootelijck
Denckende niet anders, dan peys eersame
Dan coemter een quade tonghe wederstootelijck
Die beneemt den goeden sijn name, en fame
En brengt hem in meerder last onbequame
Dan hi oyt was te voren inconuenientelijck
Hercules en hadde noyt sulcken last noch blame
Als met Hydra, dat beeste serpentelijck