Tpalays der gheleerder ingienen, oft der constiger geesten

[fol. Giiijv]

xcviij.

Die ghene die wilt leeren een plomp verstant
Laet aen den ignorant // hope verdreuen
Maer merct den Beir, hoe dat hi zijn ionge playsant
Forme, en weten gheeft met lecken verheuen
De plompheyt moetmen eerst soetheyt ingheuen
Wat doctrijne het sy, seer delicaet
Tvestant des menschen coemt met lang leuen
Van gheboorte is de mensche bot dit verstaet
Maer men betert dit wel duer der wijsheyt zaet
Metter tijt so coemt alle excellentie
Wijs is hi dan, diet wel gade slaet
En niet sinen tijt en ghebruyct in negligentie