Tpalays der gheleerder ingienen, oft der constiger geesten

[fol. Gvv]

C.

In dese figuere siedy hoe neersticheyt domineert
Houwende onghecesseert // habondantie
Inde hant, met triumphe si triumpheert
Daer de traghe moet duer haer instantie
Vlien, dies hongher duer noots ignorantie
Die neersticheyt onder de voeten hout, verheert
Traecheyt brengt noot duer doordinantie
Aen de neersticheyt der Mieren, ghi traghe leert
Die den waghen van neersticheyt trecken onuerseert
Daer neersticheyt op sidt, eerlijck van fame
Ghi traghe schaemt v, ghi sijt onteert
Daer neersticheyt vuert eenen eerlijcken name.