Tpalays der gheleerder ingienen, oft der constiger geesten

[fol. Dvr]

li.

Den Pelgrim verlaet wijf, en kint
Ia alle vrient, om sijn pelgrimagie subijt
Om den volcke te vercoopen lueghenen en wint
Haer tooghende licteekenen, om sijn profijt
Dat hi eenen verren wech heeft gegaen sonder respijt
Dat hi heeft gedaen eersame
Ghereyst te water, te lande altijt
mer zijn loopen en wort niet geacht met sommige bequame
Den vliegende palster, hoort vast, sonder blame
Ghelijc de schiltpadde gaet in pelgrimagie voort
Die en heeft van loopen, gheen groote fame
Houdt huys met wijf en kint alsoot behoort.