Tpalays der gheleerder ingienen, oft der constiger geesten

[fol. Diiijv]

l.

Die eene gheeft wijn, ende die cortse heet // heeft
Tschijnt dat hi hem leet // heeft, in sulcx exploot
Den wijn is heet, diemen hem bereet // heeft
Ende de cortse sghelijcx, het is sijn doot
Het is den patient eenen grooten wederstoot
Tsghelijcx den Prince niet verstandich // is
Die den sot gheeft digniteyt, oft officie groot
Duer die ghifte hi meer onghe handich // is
De sulcke, hoe hooge, hoe meer onuailiandich // is
Macht hebbende om rapen om scrapen
Exempel in sijn siecte, hi meer brandich // is
Om te eten, ende te scheeren die arme schapen.